Буюк Британиядаги 200 дан ортиқ ўйинчоқ номини биладиган ит билан танишинг

Макс лақабли ақлли кучук Бордер Колли турига мансуб итдир. Етти ёшар жонивор Буюк Британияда эгаси Мартин Моррис ва унинг рафиқаси билан истиқомат қилади.

У бошқа итлардан кучли хотираси билан ажралиб туради. Макс 231 та турдаги ўйинчоқлар номини ёддан билади, деб ёзади Peopletalk нашри.

^{Фото: YouTube}
Кучук эгасининг айтишича, у ва рафиқаси бошқа хонадан “Гектор типратикани” деб қичқирса, ит етти қоп ўйинчоқларни кесиб ўтиб, айнан кераклисини топади ва олиб келади. Мартиннинг сўзларига кўра, Макс жуда истеъдодли жонивор. Улар Макснинг машҳур ит бўлишини истайди.

^{Фото: YouTube}
Ақлли ит эгасининг сўзларига кўра, у ҳар ҳафта Максга янги ўйинчоқлар харид қилган, уйқудан аввал эса ўйинчоқларга ном бериш ўйинини ўйнашган.

Барча ўйинчоқларни ажратиши учун Моррис итга овқат бериш орқали рағбатлантирмаган, ит мустақил равишда ўйинчоқлар номини ўрганиб олган. “Замин” янгиликларини “Telegram”да кузатиб боринг