Винисиуснинг мухлислари “Олтин тўп”ни топшириш маросимидан сўнг “Родри” исмли юлдузларга оммавий равишда “ҳужум қилди”.
“Манчестер Сити” клуби футболчиси Родри “Олтин тўп”ни қўлга киритганидан сўнг, бразилиялик мухлислар испаниялик футболчининг барча фамилиядошларига ижтимоий тармоқлар орқали “ҳужум” қилмоқда.
Дастлаб аргентиналик Родриго Де Пол ва қўшиқчи Оливия Родригонинг ижтимоий тармоқдаги саҳифалари биринчи бўлиб жабр кўрди. Мухлислар шарҳларда футболчи мукофотга нолойиқ эканини ёзиш билан бирга саҳифа эгасини ҳақоратлар билан “сийлаган”.
Воқеалар шу билан тугамади: мухлислар тасодифан Родриго Бентанкур, Родриго Рикельме, Хамес Родригес, шунингдек, 17 ёшли Родриго Морагани “нишонга олган”. Ҳатто Винисиуснинг “Реал Мадрид”даги жамоадоши Родриго Гоэс ҳам дўстининг мухлисларидан жабр кўрди.
Криштиану Роналдунинг севгилиси Жоржина Родригеснинг саҳифасида ҳам мухлислар “Олтин тўп”ни Винисиусга қайтаришни талаб қилишган.
Фото: Instagram
Родрининг ўзи ҳеч қачон ижтимоий тармоқларда саҳифа очмаган ва уларни онгли равишда рад этади. BBC подкастига берган интервьюсида у ёшлигида Интернетга қарам бўлишни хоҳламасликка қарор қилганини айтган.
“Мен онлайн дўстлар излашим шарт эмас. Мен ҳақиқий, жонли учрашувларни қадрлайман. Ижтимоий тармоқлар фойдали бўлиши мумкин, аммо мен учун оддийлик ва ҳақиқий алоқалар муҳимроқдир”, дея таъкидлаган футболчи.
Маълумот учун, “Манчестер Сити” футболчиси Родри 2024 йилги “Олтин тўп” соҳибига айланди. Родри ўтган мавсумда “Манчестер Сити” билан биргаликда Англия чемпионлигини қўлга киритди, шунингдек, Испания термаси билан Евро ғолибига айланди ва ушбу турнирнинг энг яхши футболчиси совринини қўлга киритганди.
Соврин учун даъвогарлар бешлигига “Реал”нинг уч нафар футболчиси кирган: Винисиус, Дани Карвахаль ва Жуд Беллингем.
Реал Мадрид, Родри, Винисиус, Роналдунинг севгилиси, Жоржина Родригес “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Дунёнинг машҳур аёллари кунни қандай бошлайди?
22 ноябрь куни Cobalt автомобилига шартнома очилиши эълон қилинди
“Ҳизбуллоҳ” бир суткада Исроилга қарши 20 га яқин ҳарбий амалиёт ўтказди
Диний қўмита Умра зиёратини ташкил қилиш учун 12 та турфирмага лицензия берди
Хонанда Рухшона уйланмаган йигитга турмушга чиққани ҳақида сўзлаб берди
Халқаро жиноят суди Исроил бош вазири Нетаньяхуни ҳибсга олишга ордер берди
Қозоғистон Украина атрофидаги вазият туфайли ҳарбий ва фуқаролик объектлари хавфсизлигини кучайтирди
Байденнинг рухсати урушнинг боришига қандай таъсир қилади?
