Санкт-Петербургда 18 ёшли талабa ва кўча ижрочиси Наоко (асли номи Диана Логинова) Россия армиясини обрўсизлантириш айблови билан жавобгарликка тортилди. Бу ҳақда Fontanka нашри хабар берди.
Маълумотларга кўра, Наоко шаҳар кўчаларида хорижий агентлар деб белгиланган хонандалар — Noize MC ва Монеточка қўшиқларини ижро этган. Ҳуқуқни муҳофаза қилувчи органлар бу ҳаракатни Россия Қуролли кучларига нисбатан ҳурматсизлик сифатида баҳолаган.
Тергов маълумотларига кўра, у омма олдида армияни обрўсизлантирган, шу билан бирга жамоат жойида фуқароларнинг оммавий йиғилишини ташкил этган ва жамоат тартибини бузганликда ҳам айбланмоқда.
15 октябрь куни Логинова полиция томонидан қўлга олинган ва ички ишлар вазирлигининг “E” маркази ходимлари томонидан сўроқ қилинган.
Наоко “Stoptime” гуруҳи билан бирга Санкт-Петербург кўчаларида чиқиш қилган. Улар ижро этган видеолардан бири — Қозон собори олдида куйланган Noize MCнинг “Оққуш кўли кооперативи” қўшиғи — аввалроқ интернетда тарқалган эди.
Хонанда “Stoptime” гуруҳи таркибида Санкт-Петербург кўчаларида чиқиш қилган. Аввалроқ ижтимоий тармоқларда уларнинг Қозон собори қаршисида май ойида Санкт-Петербургнинг Приморск суди томонидан Россияда тақиқланган деб тан олинган Noize MC’нинг "Оққуш кўли кооперативи" қўшиғи билан чиқишлари акс этган видео тарқалган эди.
Санкт-Петербургнинг Дзержинский суди Наокони 13 кунлик қамоқ жазосига ҳукм қилди.
“Zamin”ни Telegram'да ўқинг!
