Лондонда 4 июнга ўтар кечаси одамларга ҳужум қилиш билан боғлиқ 3 та воқеа юз берди, деб ёзади Кун.уз нашри.
Биринчи воқеа Лондон кўпригида юз берган. Бу ерда микроавтубос ҳайдовчиси пиёдаларни босиб кетган. Сўнгра яқин орада жойлашган Боро-маркет бозорида совуқ қурол қўлланган ҳолда одамларга ҳужум содир этилгани маълум қилинган. Айни вақтда кўприк ёпилган, полиция яқин орадаги бинолардан одамларни эвакуация қилган.
"Соат 22:08дан бошлаб полициячилар Лондон-бриж кўпригида автомобиль пиёдалар билан тўқнашгани ҳақидаги хабарларга жавоб бера бошлашган", деб маълум қилинди Скотланд-Ярдда.
Баъзи маълумотларга кўра, одамлар босиб кетилган автомобиль ичидан 3 нафар қуролланган одам чиқиб келган. Улардан икки нафари полиция томондан отиб ўлдирилган, бир нафари қочишга муваффақ бўлган.
"Сўнгра полициячилар Боро-маркетда одамларга пичоқ билан ҳужум қилингани ҳақидаги хабарга чиқишган. Қуролланган полициячилар босқинчиларга ўқ узишган", деб айтилди полициянинг бошқа бир хабарида.
Гувоҳлар бу ерда интенсив отишма олиб борилаётгани ва ов пичоғи билан қуролланган одам ресторанга кириб, у ерда хунрезлик содир этганини маълум қилишган.
"Би-би-си" телеканалининг полицияга иқтибос келтирган ҳолда хабар беришича, Лондон кўпригидаги воқеа оқибатида бир неча киши ҳалок бўлган.
Сўнгра Лондон полицияси шаҳарда юз берган учинчи ҳужум ҳақида маълум қилган.
"Ҳозир полиция Воксхоллдаги воқеа билан шуғулланмоқда", деб маълум қилди полиция твиттерда. Бу туман Темза дарёсининг ўнг қирғоғида, сайёҳлар орасида машҳур бўлган Вестминстердан жануб томонда жойлашган.
Sky News телеканали ўз манбаларига иқтибос келтирган ҳолда, гап терактлар ҳақидаги кетаётганини маълум қилган. Буюк Британия бош вазири девонхонаси Тереза Мэй вазиятдан хабардор эканлигини ва мунтазам маълумотлар олиб турганини маълум қилган.
ОАВ маълумотларига кўра, терактлар оқибатида 7 нафарга яқин одам ҳалок бўлган, 20 дан кўпроқ одам жароҳат олган.
Полиция юз берган воқеалардан Лондон кўприги ва Боро-маркет бозоридаги ҳужумларни теракт сифатида таснифлаган. Воксхоллдаги воқеа эса теракт деб тан олинмаган, бу ерда можаро оқибатида пичоқбозлик юз берган.
Ҳужумлар шанба куни кечки вақт, Лондон кўчалари, соҳилбўйлари одатдагидек одамлар билан гавжум вақтда содир этилди. Бу кеча Лондондаги кўплаб паблар Чемпионлар Лигасини томоша қилгани келган одамлар билан тўла бўлган.
Эслатиб ўтамиз, бундан аввал Буюк Британияда иккита теракт содир этилганди. 22 март куни Лондондаги парламент биноси яқинидаги Вестминстер кўпригида 52 ёшли террорчи Ҳолид Масъуд машинасида одамларни босиб кетганди. Бу ҳужум оқибатида 5 киши ҳалок бўлган, 50 га яқин киши жароҳат олганди. Террорчи отиб ташланганди.
23 май куни эса Манчестердаги стадионда концерт вақтида 22 ёшли ҳудкуш Салмон Абадий ўзини портлатган. Оқибатда 23 киши, асосан болалар ва ўсмирлар ҳалок бўлган.
“Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Омега-3 қандай қилиб озишга ёрдам беради?
КХДР Россияга 100 минггача ҳарбий юбориши мумкин
Тюмен областига Ўзбекистондан меҳнат мигрантлари ишга жалб қилинади
Хатолар ва мағлубиятлар... улар кечириладими?
Глобал очлик ва қашшоқликка қарши кураш алянсига 82 мамлакат аъзо бўлди
Туркия Исроил президенти самолётини ҳаво ҳудудига киритмади
Ижтимоий тармоқлар даврида руҳий саломатликни қандай сақлаш мумкин?
Ўзи чой дамлайди ва суҳбатлашади: дунёдаги биринчи “ақлли” чойнак тақдим этилди (видео)
