Украина бош вазири Алексей Гончарук истеъфога чиқиш тўғрисида ариза ёзди ва уни президентга топширди. Бу ҳақда «Интерфакс-Украина» хабар тарқатган.
35 ёшли Гончарук 2019 йил августидан буён Украина ҳукуматига раҳбарлик қилиб келаётганди. У мамлакат тарихидаги энг ёш бош вазир бўлганди.
15-16 январь кунлари «Как обмануть президента» ютуб-каналида учта аудиоёзув тарқалди, уларда Украина бош вазири экани айтилган овоз соҳиби Миллий банк раҳбари ва Молия вазири билан бирга мамлакат иқтисодий сиёсатини муҳокама қилгани, улар президент Владимир Зеленскийнинг лаёқатсизлиги ҳақида гаплашишгани акс этганди. «Би-би-си»нинг ёзишича, бу ёзув 2019 йилнинг 16 декабрида украиналик амалдорларнинг норасмий учрашуви вақтида ёзиб олинганди.
Кейин эса Гончарук фейсбукда қуйидагиларни ёзди:
«Мен президент дастурини бажариш учун лавозимга келганман. У мен учун очиқлик ва виждонлилик намунасидир. Бироқ бизнинг президентга ҳурмат ва ишончимиз борасидаги барча гумонларни олиб ташлаш учун, мен президентга парламентга топшириш ҳуқуқи билан истеъфога чиқишим ҳақида ариза ёздим».
Маълумот учун: Алексей Гончарук 1984 йил 7 июлда туғилган (35 ёшда). 2019 йили, 34 ёшида Украина тарихидаги энг ёш бош вазирга айланганди. “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Россиялик терговчилар терактда айбланаётганлар оиласини сўроқ қилиш учун Тожикистонга келди
Россиянинг ҳарбий операциядаги манёври Украинани ҳайратга солди
«Толибон» Москвадаги теракт ташкилотчиларини йўқ қилишга ваъда берди
Эммануэл Макрон: “Украина тез орада қулаши мумкин”
Терактдан кейин Россиядаги Тожикистон фуқаролари нафрат ва тажовузга дучор бўлмоқда
Россия Ғазога 29 тоннадан ортиқ инсонпарварлик ёрдами жўнатди
АҚШ полициячиларининг «ақлли қарори» Legoга маъқул келмади
Дубай ҳукмдорининг энг гўзал қизи қандай ҳаёт кечиради?