16:30 / 21.09.2020
3 931

Қирғизистоннинг Ўш вилоятида оммавий муштлашув содир бўлди

Қирғизистоннинг Ўш вилоятида оммавий муштлашув содир бўлди
Фото: «reporter.kg»
Кеча, 20 сентябрь куни Ўш вилоятидаги Аравон қишлоғида «Мекеним Қирғизистон» партиясининг сайлов олди ташвиқоти пайтида можаро юзага келди. Можаро оммавий муштлашувга айланиб кетди.

Қайд этилишича, томонлар тошлардан, таёқ ва қўлбола буюмлардан ҳам фойдаланишган. Ўш вилояти ички ишлар бошқармаси матбуот хизматининг хабар беришича, жанжал оқибатида 12 киши жароҳат олган ва касалхонага ётқизилган, улардан бири оғир аҳволда.

Қишлоқ аҳолисининг мол-мулкига ҳам (тўқнашув ҳудудида турган бешта автомашинага) зарар етган. Жанжалда иштирок этган ўн киши ҳибсга олинган.

Мазкур видеони ушбу ҳавола орқали томоша қилишингиз мумкин: ВИДЕО
Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)