Фото: Samaradigg / Urbex
Интернетда Уфа шаҳрида 60 метр чуқурликда ерости туннели қурилаётгани тасвирланган суратлар тарқалди. Ноодатий йўл боғламасини яратиш устидаги ишлар 13 йиллик танаффусдан сўнг қайта тиклангани айтилмоқда, деб хабар беради Motor.
Туннел Уфа марказида, 60 метр чуқурликда жойлашган бўлиб, уни қуриш ишлари 1992 йилда бошланган. Узунлиги 1245 метрга тенг туннел М-5 «Урал» ва М-7 «Волга» трассаларини бирлаштириб, транспорт юкламасини енгиллаштириш учун хизмат қиладиган «Шарқий йўл» лойиҳасининг бир қисмига айланиши керак.
Фото: Samaradigg / Urbex
Туннелни қазиш вақтида қурувчилар жиддий муаммоларга дуч келган. Мутахассислар иншоот яқинидан дарё оқиб ўтгани, бу эса тупроқни юмшатиб юбориб, унинг барқарорлигига таъсир кўрсатганини аниқлаган. Бундан ташқари, ерости шаҳар коммуникациялари ҳам қўшимча қийинчиликларни юзага келтирган. Шу сабабли иш тезлиги ойига 20 метрга яқинни ташкил этган.
2007 йилда туннелни яратиш ишлари тўхтатилган, бунга молиялаштиришнинг етарлича эмаслиги ҳам сабаб бўлган.
Фото: Samaradigg / Urbex
Орадан 13 йил ўтгач, лойиҳа қайта туширилиб, қурилиш ишлари хориж пудратчисига топширилган. Қурилиш ишлари 2023 йилда якунланиши режалаштирилмоқда. Асосий туннелдан ташқари, янгиланган муҳандислик лойиҳаси параллел жойлашадиган яна иккита ерости магистралини қуришни ўз ичига олади.
Аввалроқ Фарер оролларида архипелагнинг иккита йирик оролини боғловчи Estroyartunnlinn туннели қурилишининг асосий босқичи якунлангани тўғрисида хабар берилганди. Мазкур туннелнинг ўзига хослиги шундаки, у ўз ичига Атлантика океани тубида қурилган дунёдаги биринчи айланма йўл шаклидаги боғланмани олган. “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Пиёда юриш ва боғдорчилик билан шуғулланиш депрессияга чалинишни 23 фоизга камайтиради
Қайси кундалик одатлар иммунитет пасайишига олиб келишини биласизми?
АҚШнинг Ғазодаги сиёсатидан норози Давлат департаменти расмийси истеъфога чиқди
Германияда мактаб ўқувчилари оммавий равишда ислом динини қабул қилмоқда
Ортиқча вазнли инсонлар учун соғлом овқатланишнинг бешта муҳим қоидаси
Сариқми ёки яшил: қайси турдаги банан фойдалироқ?
Тошкентда 02 кодли авторақамлар тахминан қачон пайдо бўлиши айтилди
Лукашенко Ғарбга таҳдид билан чиқди