Сочлар ўсмаслигининг 5 сабаби

1 дақиқа ўқиш3.3K
Сочлар ўсмаслигининг 5 сабаби
Фото: «Домашний очаг»
Америкалик машҳур трихолог Гери Ротфелднинг сочлар ўсиши учун нималарга эътибор қаратиш ҳақидаги тавсияларини эътиборингизга ҳавола этамиз.

Темир моддаси етишмаслиги
Анемия ёки темир моддасининг етишмаслиги сочлар ўсишининг секинлашишининг биринчи ва энг кўп тарқалган сабаби ҳисобланади. Агар гемоглобин меъёридан паст бўлса, рационга яшил сабзавотлар, гўшт, дуккакли ва денгиз маҳсулотларини киритиш керак. Таомномага ўзгартириш киритилганидан бир неча ҳафта ўтиб ўзгариш сезилмаса, таркибида темир моддаси бўлган маҳсулотларни истеъмол қилиш лозим.

Тиниқиб ухламаслик
Тунда ва асосан, уйқу пайти организмдан ажраладиган уйқу гормони мелатонин сочлар ўсишига ҳам бевосита таъсир кўрсатади. 8 соат ухлаганда муаммо бўлмаслиги мумкин, аммо 6 соат камлик қилиши аниқ. Аммо бошқа иложи бўлмаса, мелатониннинг 0,0033 фоизли концентрациясини уйқудан аввал бош терисига суртиш тавсия қилинади. Айрим клиник тадқиқотларда, бу яхши самара бериши аниқланган.

Соч учларини тез-тез кесиб туриш
Сочларнинг учини бир ойда бир марта кесиб туриш керак деган тушунча аллақачон эскирган. Статистика маълумотларига кўра, сочлар ойига ўртача 1-1,5 см ўсади, калталатилганда эса стилист сочни 1-1,5 сантиметрга кесиб ташлайди. Бўяш ва термо-турмаклардан мунтазам равишда фойдаланилмаса, сочларни 2-3 ойда кесиш кифоя.

Антибиотик қабул қилиш
Антибиотикларнинг ичаклар микрофлорасига зарар етказиши сочларнинг ўсишига ҳам таъсир қилмай қолмайди. Антибиотиклар организмни табиий ҳимоясига зарар етказиши оқибатида организмга токсинлар кира бошлайди ва қон орқали соч фолликулаларига етиб бориб, уларга салбий таъсир қилади. Хавотирли эшитилгани билан буни даволаш унчалик қийин бўлмайди. Пробиотиклар ёки табиий йўллар билан микрофлора тикланганидан кейин вазият яхшиланади. Одатда бунга 1 ойга яқин вақт кетади.

Ирсият
Сочларнинг максимал узунлиги ирсиятга ҳам боғлиқ. Аксарият аёлларда ушбу кўрсаткич 40 дан 70 сантиметргача ўзгариб туради. Сочлар елкагача ўсиб уёғига узунлашмаслиги ҳам ирсият нуқтаи назаридан табиий бўлиши мумкин. Маълумотларга қараганда, сочлари елкасидан бироз тушиб турадиган, яъни 30-40 см узунликдаги соч эгалари энг мафтункор саналади.
Мақола сизга ёқдими?

Обуна билан реклама бўлмайди

Zamin Premium — ойига 4 900 сўм

Изоҳлар0

…

  1. Футбол академиялари учун Skaut: тўлов, давомат ва ота-она билан алоқа энди битта тизимда
  2. Тошкентдан Америкага: Нурмухаммад Исмоилов Akinda орқали ҳалол инвестицияни глобал миқёсга олиб чиқмоқда
  3. Автосервисингизни рақамлаштиринг: Bip Business билан мижозларни йўқотманг
  4. Машина ойнасига рақам ёзиш хавфлими? Bip ҳайдовчилар учун янги ечим топди!
  5. 8 та кенг тарқалган молиявий хато: нималардан сақланиш керак?
  6. Playmatch: майдон эгалари ишини анча енгиллаштиради
  7. Playmatch: футбол ўйнаш учун керакли барча хизматлар битта иловада
  8. Кундалик харажатлар учун картани қандай танлаш мумкин?
  9. Элдор Шомуродов футбол академияси ва TBC Bank: болалик орзуларидан катта футболгача
  10. ANORBANK Бўстонлиқдаги 168-сон мактаб-интернат тарбияланувчиларини табриклади
  11. Ҳайдовчилар ва ташувчилар учун ОСГОП суғуртасининг афзалликлари...
  12. Pure Milky’дан навбатдаги креатив: Ҳар қадам — азиз инсонларга меҳр билан!
  13. Кредит олиш имкониятини ошириш учун қаерда ишлаш керак?
  14. Бизнес имкониятингизни кенгайтиринг
  15. Фаннинг ривожланишига барчамиз масъулмиз!
  16. XIV Тошкент халқаро кинофестивали қандай ўтказилмоқда?