Доллар курси яна кўтарилди — янги маълумотлар

12 декабрь куни Ўзбекистон Республикаси Марказий банки хорижий валюталарнинг ўзбек сўмига нисбатан расмий курсини белгилади.

Унга кўра, долларнинг расмий курси 26,55 сўмга ошиб, 12 047,45 сўмни ташкил қилди. Шунга параллел евро ҳам 110,41 сўмга кўтарилиб, 14 099,13 сўмга етди.

Россия рубли 3,59 сўмга арзонлашиб, 151,90 сўмни ташкил этди. Хитой юани эса 5,16 сўмга қимматлашиб, 1706,90 сўмга етди.

Олтиннинг 1 грамми 100 сўмга арзонлашиб, 1 млн 669 минг 500 сўмни ташкил этди.

“TradingView” маълумотига кўра, биткоин 11 декабрь соати 16:00 ҳолатида 21 млн 36 минг 555 сўмга арзонлашди.