Тошкентдаги олий таълим муассасаларидан бирида содир бўлган ҳолат жамоатчилик эътиборини тортди. Маълум қилинишича, талаба йигит ўз курсдоши бўлган қизга нисбатан ноўрин ва номуносиб мазмундаги сўзлар ишлатган.
Суд ҳужжатларига кўра, воқеа университет ҳудудида юз берган бўлиб, йигит қизга нисбатан ҳурматсиз ва номақбул мазмундаги сўзлар айтган. Мазкур ҳолатдан норози бўлган талаба қиз Ички ишлар органларига мурожаат қилган.
Иш судда кўриб чиқилган ва талаба ўз айбини тўлиқ тан олиб, қилган ишидан пушаймон эканини билдирган. Суд қарорига мувофиқ, унга нисбатан жарима жазоси тайинланган.
Мутахассислар бундай ҳолатлар ёшлар ўртасида ўзаро ҳурмат ва муомала маданиятига жиддий эътибор қаратиш зарурлигини таъкидламоқда. Шунингдек, ҳар қандай ноўрин хатти-ҳаракат қонуний жавобгарликка сабаб бўлиши мумкинлиги яна бир бор эслатилди.
“Zamin”ни Telegram'да ўқинг!
