Дунёга машҳур режиссёр Жеймс Кемероннинг “Аватар 2: Сув йўли” фильми барча даврларнинг энг кассабоп кинокартиналари қаторидан жой олди. Бунинг ортида эса катта меҳнат ва ижодий жамоанинг ақл бовар қилмайдиган қийинчиликлари бор. “Email.ru” нашри фильмдаги қизиқарли жараёнлар акс этган суратларни эълон қилди.
Фото: “Email.ru”
“Аватар 2” фильмининг суратга олиш жараёнларига тайёргарлик 2012 йилда бошланган. Виртуал ишлаб чиқариш бўйича назоратчи Райан Чемпни кичик жамоанинг бир қисмига айланди, чунки у биринчи фильмнинг технологиясини сув остига мослаштириб, нарсаларнинг техник томони билан шуғулланиши керак эди. Буни амалга ошириш ниҳоятда қийин ва маълум даражада ақл бовар қилмас эди. Жеймс Кемерон фильмнинг иккинчи қисмида ҳаракатларни аввалгидан ҳам тезроқ ҳолатга келтирди.
Фото: “Email.ru”
Аввалига Райан Чемпни актёрларни сув остида қолгандек ҳавода сузиб юришлари учун уларни симларга улашга қарор қилди. У Жеймс Кемеронга аллақачон амалга оширилган ғояни кўрсатмоқчи эди, аммо режиссёр буни фақат сув остида суратга олиш кераклигини айтиб, бу таклифни рад этди.
Фото: “Email.ru”
Райан Чемпни керак бўлган технологияни сув остида ишлаб чиққан бўлса-да, у кислород масаласи билан боғлиқ ҳолатнинг ечимини топа олмади. Скуба ҳаво пуфакчалари датчикларга халақит берди, шунинг учун актёрлар нафасларини ушлаб, сув остида имкон қадар профессионал тарзда ҳаракат қилишлари керак эди.
Фото: “Email.ru”
Бутун экипажни ўқитиш учун фридайвер Кирк Крак масъул этиб тайинланди, у бир марта Жеймс Кемероннинг олдига келиб, таниқли режиссёр билан ишлаш умидида унга ўзининг ташриф қоғозини берган. Жеймс бир неча йил ўтгач унга қўнғироқ қилди, бироқ бу кутишга арзийди, чунки у илгари ҳеч қачон бундай лойиҳа билан ишламаган эди.
Кирк суратга олиш гуруҳи билан бир неча ой вақт ўтказди ва у ҳеч қачон бундай иш қилмаганлигини айтди. У, шунингдек, иккинчи “Аватар”ни “Аквамен” билан солиштириб, “Аватар”да ҳеч ким қаҳрамонларни симга осиб қўймаслиги ёки сув остидагидек сузиб юриши учун сочлари ёнига вентилятор қўймаслигини айтди.
Актёрлар сув остида сузишни тақлид қилиш учун қандай ҳаракат қилишлари кераклигини аниқлаш билан банд бўлган визуал эффектлар рассомлари ҳам йўқ эди. “Аватар 2” фильмидаги визуал эффектларни яратувчи рассомлар жиддийроқ иш қилишган ва актёрлар фильмда кўрсатилган муҳитда бўлгани учун ҳеч нарсага тақлид қилишлари шарт эмас эди.
Фото: “Email.ru”
Кирк ҳақиқатан ҳам жуда кўп ишлаган ва 2017 йилда бошланган 18 ойлик суратга олиш жараёнида унинг қўл остида актёрлар камида 250 минг марта сув остига шўнғишган ва энг гавжум кунда бир вақтнинг ўзида 26 киши сувда бўлган. Уларнинг атрофида денгиз ҳайвонлари тасвирланган транспорт воситалари айланиб юрган.
Кирк учун энг ҳайратланарли лаҳзалардан бири 69 ёшли Сигурни Уивернинг сувга шўнғиш пайтида каскадёрдан узоқроқ тургани бўлди. Кейт Уинслет ҳам худди шундай тарзда ҳамкасбларини ҳайратда қолдирди, у “Титаник”ни суратга олиш пайтида Жеймс Кемерон билан бирга сув остида ишлаган. Актриса “Аватар 2” фильмининг суратга олиш жараёнларида сув остида нафасини 7 дақиқадан кўпроқ ушлаб туриб, актёрларнинг рекордини янгилади.
Фото: “Email.ru”
Фильмдаги бош роллардан бирини Эдвард Нортон ўйнаши мумкин эди, бироқ у бу таклифни рад этди, чунки Кемерон унга фақат инсон ролини ўйнашни таклиф қилган, Нортон эса Наъви қабиласидан бўлган кимнингдир ролини ўйнашни хоҳлаган. Жеймс Эдвард билан ишлашни давом эттиришни хоҳлади ва унга “Алита: Жасура фаришта” фильмидан рол таклиф қилди.
Фото: “Email.ru”
Биринчи фильмда Майлз Куортч ролини ижро этган Стивен Ленг яна бош роллардан бирига қайтди. Унинг қаҳрамони фильм охирида вафот этди, бироқ Стивен бу ҳолатдан хафа бўлмади, чунки Кемерон унинг қаҳрамони тақдири давом этишини айтди.
Фото: “Email.ru”
Стивен Ленг кўплаб ҳамкасбларидан фарқли ўлароқ, сув остида нафасини ушлаб туриш билан мақтана олмади. Актёрнинг сўзларига кўра, у сув остида 4 дақиқа давомида статик ҳолатда қолиши мумкин, аммо бирор ҳаракат қилиш керак бўлса, масалан, Сем Уортингтон билан жанг қилиш керак бўлса, бу вақт жуда қисқарарди.
Фото: “Email.ru”
Шунингдек, Стивен Ленг Жеймс Кемерон унга фильмнинг бешинчи қисмигача бўлган барча сценарийларни ўқишга рухсат берганини айтди, шунинг учун у ўз қаҳрамонининг тақдири ҳақида барча тафсилотларни билиб олди.
Жеймс Кемерон, Стивен Ленг, Кейт Уинслет, Аватар 2: Сув йўли “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
“Ҳизбуллоҳ” бир суткада Исроилга қарши 20 га яқин ҳарбий амалиёт ўтказди
Қозоғистон Украина атрофидаги вазият туфайли ҳарбий ва фуқаролик объектлари хавфсизлигини кучайтирди
Бефойда ва қиммат: шифокорлар тавсия этмайдиган 5 турдаги биологик фаол қўшимчалар
Зеленский Путин борасида баёнот берди: “Тинчликни истаганлар юзига тупурмоқда”
Италия суди Қуддус Исроил пойтахти эмаслиги ҳақида қарор чиқарди
Ўмон султонлиги элчиси: «Урушларни ҳарбий куч билан ҳал қилиб бўлмайди»
2026 йилда бўлажак мундиалнинг фаворитлари рейтинги тақдим этилди
Путин Украинадаги объектга баллистик ракета зарбаси берилганини эълон қилди
