Fermerlar qovoqlardan Ozzi Osborn suratini yaratib, Ginnes rekordlar kitobiga kirdi

Buyuk Britaniyada fermerlar Xellouin uchun qovoq va qovoqchalardan musiqachi Ozzi Osbornning portretini yig‘ishdi. Asar Ginnesning rekordlar kitobiga kiritilgan.

Rekord Sautgemptondagi Sunnyfields fermasida qayd etildi. Mozaikada qora ko‘zoynak taqqan Zulmat shahzodasi tasvirlangan, uning atrofida ko‘rshapalaklar aylanib yuribdi.

Ta’kidlanishicha, mozaika Ozziga hurmat belgisi sifatida yaratilgan va portretning tantanali ochilishida rokerning qarindoshlari ishtirok etgan. Portretning maydoni 212 kvadrat metrni tashkil etdi, bu tennis korti o‘lchamlariga to‘g‘ri keladi.

Ozzi Osborn 22 iyul kuni 76 yoshida o‘tkir miokard infarkti tufayli vafot etdi. Hayotining so‘nggi yillarida Osborn bir nechta jiddiy kasalliklardan, jumladan, Parkinson kasalligidan aziyat chekdi.