Бокс. Руслан Абдуллаев финалда техник ғалабани қўлга киритиб, Осиё чемпионига айланди

^{Фото: ASBC}
Иорданиянинг Амман шаҳрида бокс бўйича Осиё чемпионатининг финал баҳслари 12 ноябрь, шанба куни бўлиб ўтмоқда.

-63,5 вазн тоифасида Ўзбекистон шарафини ҳимоя қилган Руслан Абдуллаев Ҳиндистон вакили Шива Тапага қарши рингга кўтарилди.

Биринчи раунд Русланнинг устунлигида ўтди, иккинчи раунднинг бошида Ҳиндинстон вакили оёғидан жароҳат олди ва жангни давом эттира олмади. Шу тариқа Абдуллаевга техник ғалаба ёзилди.

Аввалроқ Ҳасанбой Дўстматов ва Абдумалик Ҳалоков Қозоғистон вакилларини мағлуб этиб, олтин медалга эга чиққани хабар қилинганди.

Яна тўрт нафар ўзбекистонлик боксчи 12 ноябрь куни финалда иштирок этади:

-75 кг: Саиджамшид Жаъфаров — Нурқанат Райис (Қозоғистон) (17:15 дан сўнг)
-80 кг: Одилжон Аслонов — Ҳуссейн Эйшайш (Иордания) (17:30 дан сўнг)
-92 кг: Мадиёр Саидраҳимов — Айбек Оралбай (Қозоғистон) (18:00 дан сўнг)
+92 кг: Лазизбек Муллажонов — Камшибек Кункабаев (Қозоғистон) (18:15 дан сўнг)

Руслан Абдуллаев, Бокс, Финал, Осиё Чемпионати, Шива Тапа “Замин” янгиликларини “Youtube”да кузатиб боринг