Фото: Getty Images
АҚШ терма жамоаси Париж Олимпиадасида медаллар сони бўйича биринчи бўлди, аммо мамлакат Миллий Олимпия қўмитаси спортчиларга тўланадиган мукофот пули бўйича фақат учинчи ўринни эгаллади. Forbes расмий маълумотларни ўрганиб чиқди ва медал эгаларига энг кўп пул тўлайдиган давлатларни аниқлади.
Париж Олимпиадасида америкаликлар 126 марта шоҳсупага кўтарилди (40 олтин, 44 кумуш, 42 бронза). АҚШ Олимпия ва Паралимпия қўмитаси медалларни қўлга киритган спортчиларга бошқа грантлар ва имтиёзлар билан бир қаторда, олтин медал учун 37,5 минг доллар, кумуш медал учун 22,5 минг доллар ва бронза медали учун 15 минг доллар тўлайди. АҚШ олимпиячилари индивидуал ёки жамоа таркибида ғалаба қозонишидан қатъи назар, бир хил миқдорда мукофот олади. Умумий ҳисобда АҚШ Олимпия қўмитаси Олимпиада совриндорларига 8,3 миллион доллар тўлайди. Аммо бу фақат учинчи кўрсаткич.
Медаллар рейтингида Хитой иккинчи ўринни эгаллади. Аммо ушбу мамлакат томонидан спортчиларига тўланадиган мукофот пуллари бўйича расмий маълумотлар йўқ.
Харажатлар бўйича етакчилик Италияга насиб қилди. Ушбу мамлакат спортчилари 40 та медални қўлга киритди (12 олтин, 13 кумуш, 15 бронза). Мамлакат Миллий Олимпия қўмитаси олтин медал учун 196 минг доллар, кумуш медал учун 98 минг доллар ва бронза медали учун 65 минг доллар тўлайди. Умумий ҳисобда 10,7 миллион доллар мукофот пули харажат қилади.
Франция етакчилардан камроқ медал йиғган бўлса-да, мукофот пуллари бўйича кўпроқ харажат қилади. Жумладан, мезбон давлат 64 та медални қўлга киритди (16 олтин, 26 кумуш, 22 бронза). Мамлакат Миллий Олимпия қўмитаси олтин медал учун 87 минг доллар, кумуш медал учун 43 минг доллар ва бронза медали учун 22 минг доллар тўлайди. Умумий ҳисобда 9,4 миллион доллар мукофот пули харажат қилади. Бу иккинчи энг яхши кўрсаткич.
Қўшимча қилиш жоиз, Forbes ўз тадқиқотига Ўзбекистонни киритмади. Ўзбекистонлик спортчилар Париж олимпиадасида 13 та медални қўлга киритди (8 олтин, 2 кумуш, 3 бронза). Қонунчиликка кўра, уларга олтин медал учун 200 минг доллар, кумуш медал учун 100 минг доллар ва бронза медали учун 50 минг доллар тўланади. Умумий ҳисобда спортчилар 1 миллион 950 минг доллар миқдорида мукофот олади. Бу эса Forbes рейтингида бешинчи кўрсаткич ҳисобланади. “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
“Ҳизбуллоҳ” бир суткада Исроилга қарши 20 га яқин ҳарбий амалиёт ўтказди
Халқаро жиноят суди Исроил бош вазири Нетаньяхуни ҳибсга олишга ордер берди
Ўмон султонлиги элчиси: «Урушларни ҳарбий куч билан ҳал қилиб бўлмайди»
22 ноябрь куни Cobalt автомобилига шартнома очилиши эълон қилинди
Бефойда ва қиммат: шифокорлар тавсия этмайдиган 5 турдаги биологик фаол қўшимчалар
Шавкат Мирзиёев Россия бош прокурори билан учрашув ўтказди
Қозоғистон Украина атрофидаги вазият туфайли ҳарбий ва фуқаролик объектлари хавфсизлигини кучайтирди
Зеленский Путин борасида баёнот берди: “Тинчликни истаганлар юзига тупурмоқда”
