Ўзбекистон Кубогининг нимчорак финал баҳслари 24 июнь, сешанба куни томошабоп ва кескин курашларга бой ҳолда ўтди. Бугунги кунда икки стадионда катта эътиборга сазовор дуэллар кузатилди.
Фарғонада маҳаллий “Нефтчи” жамоаси ўз майдонида “Машъал”ни қабул қилди. Учрашув бошиданоқ интрига билан бошланди — 6-дақиқада муборакликлар сафидаги Сардор Абдураимов тўпни дарвозага йўллаб, ҳисобни очди. Бу гол бутун учрашув тақдирини белгилади. Умуман олганда, ҳар икки жамоа ҳам ҳужумда фаол ҳаракат қилди, бир неча бор хавфли вазиятлар яратилди, аммо ҳимоячилар ва дарвозабонлар ишончли ҳаракат қилиб, ҳисоб ўзгаришини олдини олишди. Шундай қилиб, “Машъал” минимал устунлик билан чорак финал йўлланмасини қўлга киритди.
Нимчорак финал
“Нефтчи” — “Машъал” 0:1
Гол: Сардор Абдураимов, 6 (0:1)
Жиззахда эса том маънода голли драма намойиш этилди. “Сўғдиёна” илк дақиқаларданоқ ташаббусни ўз қўлига олди ва 1-дақиқада Самандар Мавлонқулов голи билан олдинга чиқди. 8-дақиқада эса “Қизилқум”дан Муродали Усмонов ҳисобни тенглаштирди ва ўйин яна интригали руҳда давом этди. 18-дақиқада Зоир Жўрабоев мезбонларни яна олдинга олиб чиқса, иккинчи бўлимда Станислав Андреевнинг голи 3:1 ҳисобини ўрнатди. “Сўғдиёна” сафида Беҳруз Жуматов 68-дақиқада қизил карточка олиб, жамоасини камчиликда қолдирди. Аммо жиззахликлар учрашув сўнгида Хондамир Мустафоқуловнинг голи билан катта устунликни мустаҳкамлади ва 4:1 ҳисобида чорак финалга йўл олди.
Нимчорак финал
“Сўғдиёна” — “Қизилқум” 4:1
Голлар: Самандар Мавлонқулов, 1 (1:0), Муродали Усмонов, 8 (1:1), Зоир Жўрабоев, 18 (2:1), Станислав Андреев, 50 (3:1), Хондамир Мустафоқулов, 90+2 (4:1)
Четлатиш: Беҳруз Жуматов, 68 (“Сўғдиёна”)
Бу натижалар Кубок йўлида кутилмаган бурилишлар ва янги интригалар учун замин яратиб берди. Иккала ўйин ҳам мухлисларга тўлиқ драматизм, ирода ва кураш завқини улашди. «Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
