Бирлашган Араб Амирликларининг довруғли Дубай шаҳрида ўтказилаётган эркаклар ўртасидаги Жаҳон чемпионати қизғин паллага кирди. Мусобақанинг тўртинчи кечаси aйниқса ўзбек мухлислари учун кучли эмоцияларга бой бўлди — бугунги дастурда 4 нафар ҳамюртимизнинг жанглари белгиланган эди.
-54 килограммлик тоифада рингга кўтарилган Асилбек Жалилов мутлақ устунлик билан иш кўрди. У Ганадан келган рақиби Амаду Моҳаммедга бир лаҳза ҳам имконият қолдирмасдан, жангни тўлиқ назорат қилди ва ҳакамлар якдил қарори билан 5:0 ҳисобида ғалабани қўлга киритди. Жалиловнинг ҳаракатлари, тезкорлиги ва аниқ зарбалари муштлашувнинг илк дақиқалариданоқ устун томонни белгилаб берди.
Мухлислар эса ҳали кеча тугамаган — бироздан сўнг яна бир вакилимиз, ғайратли Акмалжон Исроилов баҳсга чиқади. Унинг рақиби қозоғистонлик тажрибали боксчи Даулет Тулемиссов. Ушбу жангнинг ҳам юқори суръатда ўтиши кутилмоқда, зеро Исроиловнинг бугунги формаси анча ишончли кўринмоқда.
Дубай Жаҳон чемпионатида ҳар куни янги ҳаяжон, янги драматизм ва янги ғалабалар. Ўзбек бокс мактаби эса яна бир бор ўз "класс"ини намойиш этмоқда.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
