"Навбаҳор" ўз таркибини яна бир ҳужумчи билан бойитди. Клуб матбуот хизмати хабар беришича, жамоа бразилиялик форвард Алекс Фернандесни ўз сафига қўшиб олган.
Янги легионер 2002 йилда Сантус шаҳрида таваллуд топган. Ҳужумчи фаолияти давомида бир қатор клубларда тўп тепиб, турли чемпионат муҳитларини кўргани билан ажралиб туради.
Маълумотларга кўра, у аввал "Атлетико Минейро", "Сантос", "Черно Море", "Нефтчи" Баку ҳамда "Балтика" жамоалари шарафини ҳимоя қилган.
Энди эса Фернандес “Навбаҳор” ҳужум чизиғида янги рақобат ва янги энергия олиб келиши кутилмоқда. Мухлисларга қолгани — янги форварднинг майдондаги илк қадамларини кутиш: голлар келса, кайфият ҳам “автомат” кўтарилади.
Ctrl
Enter
Хато топдингизми?
Иборани ажратиб Ctrl+Enter тугмасини босинг 
