09:00 / 21.01.2021
729

«Ювентус» 9-бор Италия Суперкубоги ғолибига айланди

«Ювентус» 9-бор Италия Суперкубоги ғолибига айланди
Фото: Twitter/JuventusFC
Италия Суперкубоги финал учрашуви бўлиб ўтди. Унда "Ювентус" ҳамда "Наполи" жамоалари ўзаро баҳс олиб борди. Ўйин туринликларнинг 2:0 ҳисобидаги ғалабаси билан якунланди.

Дастлабки гол 64-дақиқада Криштиану Роналду томонидан киритилди. Жарима майдони марказига етказиб берилган тўпни португалиялик футболчи дарвозага аниқ йўллади. Ўйин шу аснода давом этаётган бир пайтда, неаполликлар ҳужумга катта эътибор берди.

Ўз навбатида, бу ҳолат ҳимояда бўшлиқлар юзага келишига сабаб бўлди ва ҳакам томонидан қўшиб берилган дақиқаларда Альваро Мората қарши ҳужумда рақибни жазолади. Куадрадонинг узатмасидан кейин бўш қолган дарвозага тўп киритган Мората ўйинга якуний нуқтани қўйди.

Ушбу ғалаба туфайли "кекса сеньора" бош совринга эга чиқди. Маълумот учун, бу жамоа устози Андреа Пирлонинг мураббий сифатидаги илк титули ҳисобланади.

Ювентус — Наполи 2:0
Гол:
Роналду (64), Мората (90+6).
Амалга оширилмаган пенальти: Инсинье (79).
Ювентус – Шченсни, Кьеллини, Бонуччи, Данило, Куадрадо, Артур, Бентанкур (Рабьо, 84), Кулусевски (Мората, 84), Маккенни, Кьеза (Бернардески, 46), Роналду.
Наполи – Оспина, Мариу Руй (Политано, 84), Кулибали, Манолас, Ди Лоренцо, Зелиньски, Бакайоко (Элмаз, 67), Лосано, Демме (Льоренте, 84), Инсинье, Петанья (Мертенс, 72).
Огоҳлантиришлар: Роналду (74), Зелиньски (89).
Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)