NuclearN ядровий саноатни AI билан янгилаш учун $10,5 млн олди

NuclearN компанияси ядровий энергетика саноатида сунъий интеллект технологияларини жорий қилиш учун $10,5 миллион инвестиция жалб қилди, деб TechCrunch хабар берди. Инвесторлар орасида Venrock ва Innovation Endeavors каби фондлар бор.

Компаниянинг асосий мақсади — ядровий иншоотларда амалга ошириладиган техник назорат, маълумотларни таҳлил қилиш ва хавфсизлик текширувларини AI орқали автоматлаштириш. Бу нафақат самарадорликни оширади, балки хавфсизликни ҳам яхшилайди.

NuclearN таъкидлашича, ядро соҳасидаги кўпгина жараёнлар ҳозирча ҳануз қўлда ва қоғоз асосида амалга оширилади. Уларни рақамлаштириш орқали муддатлар қисқаради, хатолар камаяди ва таннарх тушади. Компаниянинг технологиялари АҚШдаги бир нечта реакторларда синовдан ўтказилмоқда.

Нодирбек Раззоков

«ЗАМИН.УЗ» муҳаррири