Samsung компанияси Galaxy S26 туркуми учун One UI 9 дастурий таъминотининг илк бета-версиясини тақдим этди. Ҳозирда янгиланиш Германия ва АҚШдаги фойдаланувчилар учун очиқ бўлиб, дастлабки имтиёз Galaxy S26 Ultra моделига берилди. Galaxy S26 ва Galaxy S26+ фойдаланувчилари эса янгиланишни бироз кечроқ қабул қилиб олишади. Бу ҳақда Ixbt.com хабар беради.
Android 17 базасида қурилган ушбу янгиланиш ҳажми 3,6 GB ни ташкил этади ва ўз ичига 2026-йил 5-май ҳолатига кўра хавфсизлик ямоқларини олади. Янги интерфейс фойдаланувчиларга Қуикк Панел элементларини янада эркинроқ созлаш, ёрқинлик ва овоз баландлиги слайдерларини ўзгартириш имконини беради.
Samsung ДеХ тизимида иш столи олдиндан кўриш функциялари янгиланди, Samsung Нотес иловасида эса янги Тапе функцияси ҳамда чизиш учун қўшимча воситалар пайдо бўлди. Шунингдек, Гаме Боостер имкониятлари кенгайтирилиб, ўйин жараёнидан чиқмасдан туриб созламаларни ўзгартириш имконияти яратилди.
Maxфийлик ва қулайлик борасида ҳам муҳим ўзгаришлар амалга оширилди. Хусусан, геолокацияга кириш индикатори қўшилди, кўриш қобилияти чекланган фойдаланувчилар учун ТалкБакк функцияси ва бошқа махсус имкониятлар янада такомиллаштирилди.
“Zamin”ни Telegram'да ўқинг!
