Нархи 1500 евро атрофида бўлган янги Sony Xperia 1 VIII флагман смартфони сотувга чиққанидан кўп ўтмай, жиддий танқидларга учради. Машҳур инсайдер ОнЛеакс япон компаниясини смартфоннинг қалинлигини атайлаб камайтириб кўрсатганликда айблади. Бу ҳақда Ixbt.com хабар беради.
Sony расмий маълумотларига кўра, қурилма корпусининг қалинлиги 8,3 мм ни ташкил этиши керак эди. Бироқ, профессионал ўлчов асбоблари ёрдамида ўтказилган текширувлар натижасида смартфоннинг ҳақиқий қалинлиги 8,59 мм эканлиги аниқланди.
Техник жиҳатдан смартфон 120 Hz янгиланиш тезлигига эга 6,5 дюймли дисплей, 48 мегапикселли учта камера ва Snapdragon 8 Ген 5 процессори билан жиҳозланган. Шунингдек, қурилма 5000 мА/соат сиғимли аккумуляторга эга.
Қурилманинг ўзига хос жиҳатларидан бири — замонавий флагманларда кам учрайдиган 3,5 мм ли наушник уясининг сақлаб қолингани бўлди. Янги модел янгиланган квадрат шаклидаги камера блоки билан ажралиб туради ва тўрт хил рангда, жумладан, 1 TB хотирага эга эксклюзив тилла рангли версияда тақдим этилган.
“Zamin”ни Telegram'да ўқинг!
