Таниқли инсайдер Digital Chat Station яқин орада тақдим этилиши кутилаётган Honor Вин Турбо смартфонининг илк суратларини эълон қилди. Маълумотларга кўра, янги қурилма ЛТПС-матсирали, 1,5К аниқликдаги текис экран ҳамда одатда қимматроқ моделларга хос бўлган металл рамка билан жиҳозланади. Бу ҳақда Ixbt.com хабар беради.
Смартфоннинг асосий камераси оптик барқарорлаштириш (ОИС) тизимига эга 50 мегапикселли датчикдан иборат бўлади. Қизиғи шундаки, Вин Турбо номи юқори унумдорликка ишора қилса-да, ишлаб чиқарувчи корпус ичига ўрнатилган вентилятордан воз кечишга қарор қилган. Шунингдек, қурилманинг 16 GB тезкор ва 512 GB доимий хотирага эга конфигурацияси тасдиқланди.
Инсайдернинг алоҳида қайд этишича, ушбу модел бўлажак Honor Повер2 смартфони билан бир хил модел рақамига эга. Бу икки қурилма ўртасида чамбарчас боғлиқлик борлигини ёки бир хил платформанинг турли бозорлар учун ребрендинг қилинишини англатиши мумкин.
Маълумот ўрнида, Digital Chat Station аввалроқ Xiaomi 15 ва Xiaomi 15 Pro хусусиятларини, шунингдек, Realme GT 7 Pro ёрқин Samsung экрани билан чиқишини ҳамда Dimensity 9400 чипи Snapdragon 8 Элитедан олдинроқ тақдим этилишини аниқ башорат қилган эди.
“Zamin”ни Telegram'да ўқинг!
