Vivo компанияси Хитойда 29-май куни расман намойиш этиладиган янги С60 смартфонлар сериясининг дизайни ва техник хусусиятларини тасдиқлади. Туркумга асосий модел билан бир қаторда ҳамёнбоп С60 Виталитй Эдитион версияси ҳам киритилган. Ҳар иккала қурилма аллақачон JD.com платформасида олдиндан буюртма бериш учун очиқ бўлиб, у ерда смартфонларнинг ранглари ва хотира конфигурациялари маълум бўлди. Бу ҳақда Ixbt.com хабар беради.
Янги смартфонлар ягона дизайн услубида ишланган бўлиб, Старрй Сеа, Эарлй Суммер Греэн ва Мидсуммер Нигҳт каби уч хил рангда сотувга чиқади. Асосий Vivo С60 модели 16 GB тезкор ва 512 GB доимий хотира билан жиҳозланган бўлса, Виталитй Эдитион версияси 8/256 GB ҳажмдаги бошланғич конфигурацияда таклиф этилади.
Техник жиҳатдан Vivo С60 анча кучли хусусиятларга эга: у 1,5К аниқликдаги ва 120 Гс янгиланиш частотасига эга 6,59 дюймли ОЛEД-дисплей билан таъминланган. Қурилма Snapdragon 8с Ген 3 процессори асосида ишлайди. Смартфоннинг асосий устунлиги — 90 В қувватланишни қўллаб-қувватловчи улкан 7200 мА·соат сиғимли аккумуляторидир.
Камера тизими 50 мегапикселли асосий модул ва Sony ИМХ8 сериясидаги перископик телеобективни ўз ичига олади. Шунингдек, қурилма экран остидаги ультратовушли бармоқ изи сканери, IP68/IP69 сув ва чангдан ҳимоя стандартлари ҳамда ОригинОС 6 қобиғидаги Android 16 операцион тизими билан жиҳозланган.
“Zamin”ни Telegram'да ўқинг!
