O‘zbekistonda havoni tozalash va ekologiyani qo‘llab-quvvatlash maqsadida yangi aksiyalar joriy etilmoqda. Prezident farmoni (PF–46, 25.03.2026)ga binoan, 2026 yil 1 maydan boshlab har oyning 10 va 25 sanalarida “Avtomobilsiz kun” va “Avtomobilsiz hafta” aksiyalari o‘tkaziladi.
Mazkur aksiyalar doirasida davlat xizmatchilari xizmat transportidan foydalanish huquqidan mahrum bo‘ladi, ammo ish haqi saqlab qoladi. Shu bilan birga, 2026 yil 1 avgustdan boshlab eskirgan avtomobillarni topshirgan jismoniy va yuridik shaxslarga “trade-in” dasturi orqali yangi transport xarid qilishda avtokredit foizining bir qismi qoplab beriladi.
Shuningdek, “Ekologik transport” tizimi doirasida Toshkent shahri hududi “qizil”, “sariq” va “yashil” zonalarga ajratiladi. Qishloq va shaharlarda chang bo‘ronlari oldini olish maqsadida Surxondaryo va Sirdaryo viloyatlarida “yashil devor”lar barpo etish ishlari ham boshlanadi.
Ushbu tashabbuslar aholining salomatligi va havoning sifatini yaxshilashga qaratilgan bo‘lib, ekologik ongni oshirishga xizmat qiladi.
“Zamin”ni Telegramʻda oʻqing!
