Niderlandiya sobiq bosh vaziri va rafiqasi evtanaziya qilindi

^{Foto: Bota Cot News}
Niderlandiyaning sobiq bosh vaziri Dris van Agt turmush o‘rtog‘i Yevgeniya bilan evtanaziyadan vafot etdi. Bu haqda Guardian xabar berdi.

Ularning ikkalasi ham 93 yoshda bo‘lgan. Bu Niderlandiyada “ikki tomonlama evtanaziya” tendensiyasining bir qismi sifatida ko‘rilmoqda. Er-xotinning evtanaziyasi kamdan-kam uchrasa-da, birinchi marta 2020 yilda kuzatilgan, o‘shanda 26 kishi o‘z sheriklari bilan bir vaqtning o‘zida evtanaziya qilingan. Keyingi yili bu raqam 32 taga, 2022 yilda esa 58 taga yetgan.

Rejissyor Jerar Jonkman NOS teleradiokompaniyasiga ikkalasi ham juda kasal ekanini, ammo “bir-birisiz yashay olmaganini” ma’lum qildi.

Van Agt 2019 yilda miyaga qon quyilishidan keyin to‘liq tuzalmagan. Evtanaziya Niderlandiyada 2002 yildan beri oltita shart bo‘yicha qonuniy hisoblanadi. Evtanaziyada bemorga shifokor nazorati ostida o‘limga olib keladigan dori dozasi yuboriladi. “Zamin” yangiliklarini “Telegram”da kuzatib boring