Foto: Europa Plus
So‘nggi yillarda kichik hajmdagi va mobil uylar bo‘yicha turli yangiliklar turar joy masalasi bo‘yicha ko‘plab muammolarni hal qilmoqda. Har qanday mamlakatda, hatto juda kichik va sekin rivojlanayotgan shaharlarda ham ko‘chmas mulk narxining keskin oshgani alternativ g‘oyalarni izlab topishni taqozo qilmoqda.
Mobil va kichik hajmli uy-joy qurish g‘oyasini qo‘llab-quvvatlaydigan amerikalik YouTube bloger Levi Kelli ham o‘z qo‘li bilan yasagan uy namunasini taqdim etdi. Uychaning hajmi 1,8 metr/kv bo‘lib, ichida barcha qulayliklar mujassam.
Foto: Europa Plus
“Bu — dunyodagi eng kichik uy. O‘ylaymanki, bu jahon rekordi sifatida ro‘yxatga olinadi”, deydi bloger.
Kelli Ginnesning rekordlar kitobidan sertifikat olishni istaydi. Uning so‘zlariga ko‘ra, furgon uy barcha zarur narsalar bilan jihozlangan: “Mazkur uy ichida to‘shak, hojatxona, oshxona va yashash uchun kerak bo‘lgan barcha muhim narsalar mavjud”.
Foto: Europa Plus
Foto: Europa Plus
Barcha mebel va jihozlar maydonni tejashga imkon beradigan tarzda joylashtirilgan. Masalan, suv kranini kengaytirib, uni rakovinaga aylantirish, elektr plitani esa javon ichida saqlash mumkin. Shift tagida esa yig‘ma to‘shak o‘rnatilgan. Yagona salbiy tomoni shundaki, uxlash uchun oshxona stolidan foydalanishga to‘g‘ri keladi.
Foto: Europa Plus
Bundan tashqari, mazkur uyda mini muzlatkich, nasos va hatto suv isitish tizimi ham mavjud. Dush va hojatxona tashqarida joylashgan. Uydagi barcha narsa ikkita quyosh panelidan quvvat oladi. Levi bunday uyni 5000 dollarga yig‘ishga muvaffaq bo‘ldi.
“Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Xalqaro jinoyat sudi Isroil bosh vaziri Netanyaxuni hibsga olishga order berdi
Qozog‘iston Ukraina atrofidagi vaziyat tufayli harbiy va fuqarolik obyektlari xavfsizligini kuchaytirdi
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Xonanda Ruxshona uylanmagan yigitga turmushga chiqqani haqida so‘zlab berdi
22 noyabr kuni Cobalt avtomobiliga shartnoma ochilishi e’lon qilindi
Ramzan Qodirov G‘arb davlatlariga hujum qilishga chaqirdi: “Haqiqiy urush qandayligini his qilishsin”
Diniy qo‘mita Umra ziyoratini tashkil qilish uchun 12 ta turfirmaga litsenziya berdi
Fransiyadagi muzeydan qiymati 7 mln yevrolik zargarlik buyumlari o‘g‘irlab ketildi
