Donald Tramp saylovda ovoz berdi

^{Foto: Reuters}
Floridada AQSH prezidentligiga saylovda ovoz berganidan so‘ng matbuotga bergan intervyusida Donald Tramp saylovda g‘alaba qozonishiga “ishonchi komil” ekanini aytdi.

“O‘zimga ishonchim komil. Eshitishimcha, biz hamma joyda yaxshi natijalarga erishyapmiz”, deydi Tramp.
Uning qo‘shimcha qilishicha, bu o‘tkazgan uchta kampaniya ichida “eng yaxshisi”.

“G‘alabani tasdiqlash uchun uzoq vaqt kerak bo‘ladi”, deya ta’kidlagan u.

Tramp “pullarning hammasini mashinalarga sarflanganini” inobatga olib, natijalarni hisoblashda uzoq vaqt ketishidan shikoyat qilgan va natijalar tezda e’lon qilingan Fransiya saylovlarini namuna sifatida qayd etgan.

Hozir AQSHda prezidentlik saylovlari bo‘lib o‘tmoqda. Demokratik partiyadan vitse-prezident Harris, Respublikachilar partiyasidan esa sobiq prezident Tramp vakillik qilmoqda.

Polymarket bukmekerlik agentligi ma’lumotlariga ko‘ra, Trampning prezidentlik saylovlarida g‘alaba qozonish ehtimoli 61 foizni tashkil etadi.

Uning hisob-kitoblariga ko‘ra, Trampning prezidentlik uchun kurashdagi raqibi Kamala Harrisning imkoniyatlari 39 foizga baholanmoqda. Oq uy sobiq rahbarining g‘alabasiga tikilgan pullar miqdori qariyb 1,3 milliard dollar, amaldagi vitse-prezidentniki esa 808 million dollardan iborat. “Zamin” yangiliklarini “Odnoklassniki”da kuzatib boring