Foto: 24.kg
Qirg‘iziston Milliy xavfsizlik davlat qo‘mitasi (MXDQ) raisi Qamchibek Tashiyev Norindagi yangi bolalar bog‘chasining ochilishiga bag‘ishlangan marosimda yana bir bor mamlakat ayollariga murojaat qilib, ularni ko‘proq farzand ko‘rishga chaqirdi.
Tashiyevning so‘zlariga ko‘ra, ko‘p farzandli oilalar — bu mamlakat kelajagining asosidir. Uning ta’kidlashicha, qirg‘iz ayollari oilada 5-10 nafargacha bola bo‘lishiga harakat qilishi kerak.
«Biz ko‘p farzandli bo‘lishimiz kerak. Ayollar, yosh kelinlar bunga e’tibor qaratishi lozim. Faqat shu holatda Qirg‘iziston rivojlana oladi… Davlat xavfsizligining mustahkamligi bevosita aholi soniga bog‘liq. Agar aholi soni oshmasa, xavfsizlikni ta’minlash qiyin masalaga aylanadi. Hozir dunyoda katta o‘zgarishlar bo‘lyapti va qo‘shni davlatlar aholi soni bo‘yicha bizdan o‘zib ketmoqda. Biz ushbu masalaga jiddiy yondashishimiz darkor», — deydi Tashiyev.
U davlat tug‘ilish darajasini oshirish uchun qulay shart-sharoitlar yaratish choralarini ko‘rishga tayyorligini ma’lum qildi. Bunday chora-tadbirlar qatoriga bolalar bog‘chalari, maktablar va boshqa ijtimoiy obyektlar qurilishi kiradi.
Bundan tashqari, Tashiyev hukumatning tog‘li hududlar aholisi uchun onalik kapitalini joriy etish rejalari haqida gapirdi. Mamlakatning ayrim viloyatlarida oilada tug‘ilgan to‘rtinchi farzand uchun 100 ming qirg‘iz so‘mi, beshinchiga — 600 ming so‘m, yettinchi farzandga esa 1 million so‘m (11,6 ming AQSH dollari) berish ko‘zda tutilmoqda.
«Sakkizinchi va to‘qqizinchi farzand uchun 1,5 million so‘m, o‘ninchisi uchun esa 2 million so‘m miqdorida to‘lov belgilanadi… Maqsadimiz — 10-20 millionlik aholiga tezroq erishish. Shunda mamlakat kelajagi uchun qayg‘urmasak ham bo‘ladi», — deydi MXDQ raisi.
Qirg‘iziston xavfsizlik qo‘mitasi rahbari Qamchibek Tashiyev oktyabr boshlarida xodimlariga 5-6 farzandli bo‘lishni buyurgandi. Qirg‘iziston Milliy statistika qo‘mitasi ma’lumotlariga ko‘ra, Qirg‘izistonda ayollar o‘rtacha hisobda uch va undan ortiq, qishloqlarda esa 4 va undan ortiq bola tug‘adi. Tug‘ilishning umumiy koeffitsiyenti reproduktiv yoshdagi ayolga 3,0 bolani tashkil etadi. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Xalqaro jinoyat sudi Isroil bosh vaziri Netanyaxuni hibsga olishga order berdi
Qozog‘iston Ukraina atrofidagi vaziyat tufayli harbiy va fuqarolik obyektlari xavfsizligini kuchaytirdi
Xonanda Ruxshona uylanmagan yigitga turmushga chiqqani haqida so‘zlab berdi
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
22 noyabr kuni Cobalt avtomobiliga shartnoma ochilishi e’lon qilindi
Ramzan Qodirov G‘arb davlatlariga hujum qilishga chaqirdi: “Haqiqiy urush qandayligini his qilishsin”
Diniy qo‘mita Umra ziyoratini tashkil qilish uchun 12 ta turfirmaga litsenziya berdi
Jamshid Saidov: "Yosh bolalardek o‘ynadik, raqib bizni yanchib tashladi"
