Daniya Ukrainaga oltita F-16 qiruvchi samolyotlarini topshirdi

^{“Report.az”}
Daniya Ukrainaga oltita F-16 qiruvchi samolyotini topshirdi va Kiyevga yana 13 ta samolyot yetkazib berishni rejalashtirmoqda. Bu haqda Daniya bosh vaziri Mette Frederiksen Vladimir Zelenskiy bilan o‘tkazgan qo‘shma matbuot anjumanida ma’lum qildi.

“F-16 qiruvchi samolyotlari bo‘yicha rejalarimiz o‘zgarmadi. Oltita F-16 allaqachon yetkazib berildi — bu birinchi partiya. Keyin yana bir partiya bo‘ladi, jami 19 ta qiruvchi samolyotlarni yetkazib beramiz”, dedi u.

Daniya bosh vaziri, shuningdek, Kiyevga to‘g‘ridan to‘g‘ri Ukraina mudofaa sanoatiga 130 million yevrodan ortiq miqdorda harbiy yordamning yangi paketi ajratilishini ham ma’lum qildi.

13 noyabr kuni Fransiya Ukrainaga oltita Mirage qiruvchi samolyotlarini yetkazib berishi ma’lum qilingandi. Fransiya Milliy assambleyasi deputati Frank Jiletti parlamentning milliy mudofaa va mamlakat qurolli kuchlari qo‘mitasiga tayyorlangan ma’ruzasida bu holatni tanqid qilgan.

“Qisqa muddatda oltita Mirage 2000-5 samolyotining Ukraina harbiy-havo kuchlariga topshirilishi va u bilan bog‘liq to‘liq qo‘llab-quvvatlash modeli bizning qiruvchi samolyotlarimizning individual formatini yanada zaiflashtiradi”, degan u.

^{Foto: “Report.az”}
Norvegiya mudofaa vaziri Born Arild Gram oktyabr oyi oxirida F-16 qiruvchi samolyotlarining jangovar qobiliyatini saqlab qolish uchun Kiyevga 118 million dollar ajratilishini ma’lum qilgan.

Oslo 2024—2025 yillarda Ukrainaga oltita F-16 samolyotlarini yetkazib bermoqchi. Shuningdek, ukrainalik uchuvchilarni Daniyada o‘qitishga yordam berish rejalashtirilgan. “Zamin” yangiliklarini “Instagram”da kuzatib boring