AQSH “Oreshnik” bilan yangi zarba berilishi haqida Ukrainani ogohlantirdi

1 daqiqa o'qish241
AQSH “Oreshnik” bilan yangi zarba berilishi haqida Ukrainani ogohlantirdi
Jurnalistlar Ukrainadagi “Oreshnik”raketasi qismlarini suratga olmoqda
Foto: AFP

Pentagon ogohlantirishicha, Rossiya Ukrainaga yangi o‘rta masofali “Oreshnik” ballistik raketasi bilan qayta hujum qilishi mumkin. AQSH Mudofaa vazirligining rasmiy vakili Sabrina Singx Amerika razvedkasiga tayanib, zarba “yaqin kunlar ichida” berilishi mumkinligini ma’lum qildi.

Shu bilan birga, u Rossiya prezidenti Vladimir Putin yana bir “Oreshnik” raketasini uchirishni niyat qilganini oshkora aytganini eslatib o‘tdi. Boshqa tafsilotlar, xususan, Vashingtonda rejalashtirilgan zarbaning aniq sanasi va joyi ma’lum qilinmadi.

Bayonotda, shuningdek, Ukraina ham, Rossiya Federatsiyasi ham jang maydonida ustunlikka erishishga urinayotgani, bu urushni tugatish bo‘yicha mumkin bo‘lgan muzokaralarda vosita bo‘lishi mumkinligi qayd etilgan.

AQSH “Oreshnik”dan foydalanishni jangovar harakatlardagi burilish nuqtasi deb hisoblamasa-da, Singx rossiyaliklarning “Ukrainani qo‘rqitish uchun o‘z ixtiyoridagi barcha qurollardan foydalanishga urinayotganini” qo‘shimcha qildi. Singx Rossiyaning harbiy tajovuzidan himoyalanayotgan Ukraina hamon AQSH va butun dunyodagi boshqa hamkorlarning qo‘llab-quvvatlashiga umid qilishi mumkinligini alohida qayd etdi.

Taganrogga ATACMS zarbasi

11 dekabr kuni Ukraina armiyasi Rossiyaning Taganrog shahridagi harbiy aerodromga raketa zarba bergani haqida xabar berilgan edi. Rossiya Mudofaa vazirligi hujum Amerikaning oltita uzoq masofali ATACMS raketasi yordamida amalga oshirilganini ma’lum qildi. Moskvaning ta’kidlashicha, ikkita raketa “Pansir” zenit-raketa majmuasi tomonidan yo‘q qilingan, qolganlari esa radioelektron kurash vositalari bilan yo‘nalishdan og‘dirilgan.
AQSH “Oreshnik” bilan yangi zarba berilishi haqida Ukrainani ogohlantirdi
ATACMS raketasining qoldiqlari
Foto: Rossiya Mudofaa vazirligi

Mudofaa vazirligi xabar berishicha, raketa parchalarining tushishi natijasida harbiy xizmatchilar jarohat olgan, lekin vayronagarchilik yuz bermagan. Vazirlik, shuningdek, bu hujum “javobsiz qolmasligini va tegishli choralar ko‘rilishini” qo‘shimcha qilgan.

Rossiya “Oreshnik”ni ilk bor 21 noyabrda Dneprga zarba berishda qo‘llagan edi.
Maqola sizga yoqdimi?

Obuna bilan reklama bo'lmaydi

Zamin Premium — oyiga 4 900 so'm

Izohlar0

…

  1. Futbol akademiyalari uchun Skaut: to‘lov, davomat va ota-ona bilan aloqa endi bitta tizimda
  2. Toshkentdan Amerikaga: Nurmuxammad Ismoilov Akinda orqali halol investitsiyani global miqyosga olib chiqmoqda
  3. Avtoservisingizni raqamlashtiring: Bip Business bilan mijozlarni yo‘qotmang
  4. Mashina oynasiga raqam yozish xavflimi? Bip haydovchilar uchun yangi yechim topdi!
  5. 8 ta keng tarqalgan moliyaviy xato: nimalardan saqlanish kerak?
  6. Playmatch: maydon egalari ishini ancha yengillashtiradi
  7. Playmatch: futbol o‘ynash uchun kerakli barcha xizmatlar bitta ilovada
  8. Kundalik xarajatlar uchun kartani qanday tanlash mumkin?
  9. Eldor Shomurodov futbol akademiyasi va TBC Bank: bolalik orzularidan katta futbolgacha
  10. ANORBANK Boʻstonliqdagi 168-son maktab-internat tarbiyalanuvchilarini tabrikladi
  11. Haydovchilar va tashuvchilar uchun OSGOP sug‘urtasining afzalliklari...
  12. Pure Milky’dan navbatdagi kreativ: Har qadam — aziz insonlarga mehr bilan!
  13. Kredit olish imkoniyatini oshirish uchun qayerda ishlash kerak?
  14. Biznes imkoniyatingizni kengaytiring
  15. Fanning rivojlanishiga barchamiz mas’ulmiz!
  16. XIV Toshkent xalqaro kinofestivali qanday o‘tkazilmoqda?