AQSHda 15 yashar qiz maktabda otishma sodir etdiAQSHda 15 yashar qiz maktabda otishma sodir etdi

^{Foto: CNN}
AQSHning Viskonsin shtati Medison shahridagi maktablardan birida 15 yoshli qiz otishma sodir etdi. Bu haqda CNN xabar berdi.

Politsiyaga ko‘ra, hodisa Abundant Life xristian maktabida sodir bo‘lgan. Qurbonlar orasida bir nafar o‘quvchi, o‘qituvchi va otishmada gumonlangan qiz bor. U o‘ziga ham o‘q uzgan va olgan jarohati oqibatida kasalxonaga olib ketilayotganda vafot etgan. Jarohatlanganlar soni 6 kishini tashkil etmoqda, ikki kishining hayoti xavf ostida.

^{Foto: Yahoo}
Abundant Life xristian maktabida 420 ga yaqin o‘quvchi ta’lim oladi. Muassasa kelasi hafta Rojdestvo ta’tili uchun yopilishni rejalashtirgan.

^{Foto: USA Today}
Medison politsiyasi boshlig‘i Shon Barns otishmada 15 yoshli gumonlanuvchining ota-onasini ayblamoqchi emas.

Ota-onalar to‘liq hamkorlik qilmoqda, hozirda ularning jinoyat sodir etganiga ishonishimiz uchun hech qanday asos yo‘q, degan Barns.

^{Foto: Wisconsin Public Radio}
AQSHda so‘nggi yillarda huquqni muhofaza qilish organlari maktabda o‘q otgan bolalarning ota-onalariga qarshi ayblov qo‘ymoqda. Misol uchun:

• 2021 yil noyabr oyida Itan Michigan shtatidagi o‘rta maktabda otishma uyushtirgani sababli ota-onasi 10 yildan 15 yilgacha qamoq jazosiga hukm qilingan.
  
• Jorjiya shtatidagi Apalacheye o‘rta maktabida ommaviy otishma uyushtirgan 14 yoshli Kolt Greyning otasiga joriy yilning boshida 29 ta ayb qo‘yilgan.
  

“Zamin” yangiliklarini “Twitter”da kuzatib boring