Eyfel minorasini sotish mumkinmi?

1925-yilda mashhur firibgar Viktor Lyustig Eyfel minorasini ikki marta sotishga muvaffaq boʻlgan!

U metallolom savdogarlarini minora ta'mirga yaroqsiz boʻlib qolgani va uni buzib, metalga topshirish rejalashtirilayotganiga ishontirdi. Natijada, tadbirkorlardan biri — janob Puasson 70 000 frank toʻlab, minorani sotib olganiga ishonib qoldi. Firibni anglaganida esa sharmandalikdan politsiyaga murojaat qilishga jur'at eta olmadi.

Oradan bir necha oy oʻtgach, Lyustig xuddi shu firibni yana bir bor takrorladi va yana bir "xaridor"ni topdi.

Keyin u AQShga qochib, soxta dollar ishlab chiqarish bilan shugʻullandi. Nihoyat, uni politsiyaga sobiq sevgilisi sotib qoʻydi. Viktor Lyustig Alkatras qamoqxonasiga tushdi va oʻsha erda hayotining soʻnggi kunlarini oʻtkazdi. “Zamin” yangiliklarini “Telegram”da kuzatib boring