Rossiyada 5-fevraldan boshlab noqonuniy migrantlarga nisbatan yangi qoidalar kuchga kiradi. Mamlakatga hujjatsiz kelgan yoki ruxsatsiz yashab turgan xorijliklar nazorat qilinadigan shaxslar roʻyxatiga kiritiladi. Ular deportatsiya qilinmaguncha yoki oʻz ixtiyori bilan chiqib ketmaguncha ushbu roʻyxatda qoladi.
Roʻyxatga tushgan xorijliklar quyidagi cheklovlarga duch keladi:
* Ichki ishlar organlaridan ruxsatsiz yashash joyini oʻzgartirish taqiqlanadi.
* Boshqa hududga koʻchib oʻtish uchun oldindan xabar berish shart boʻladi.
* Koʻchmas mulk va transport vositalarini sotib olishga ruxsat berilmaydi.
* Nikohdan oʻtish mumkin emas.
* Yuridik shaxs tashkil etish va yakka tartibdagi tadbirkor sifatida roʻyxatdan oʻtish taqiqlanadi.
* Bank hisobvaraqlari ochish va ayrim moliyaviy operatsiyalarni amalga oshirish cheklanadi.
Agar migrant ushbu qoidalarga qayta-qayta rioya qilmasa, u deportatsiya qilinadi va ichki ishlar organlari maxsus muassasiga joylashtiriladi.
Shuningdek, agar voyaga etmagan migrant "nojoiz" deb topilsa, ushbu maqom uning ota-onasiga ham tatbiq etiladi. Migrantni istalmagan shaxs sifatida tan olish sabablari orasida bir necha bor chiqarib yuborish, sudlanganlik yoki soxta hujjatlar taqdim etish boʻlishi mumkin.
Bundan tashqari, xorijliklarni chiqarib yuborish vakolatiga ega boʻlgan amaldorlar roʻyxati kengaytirildi. Endi sudyalar va chegara xodimlaridan tashqari, hududiy va transport politsiyasi rahbarlari, Migratsiya xizmati boshliqlari hamda narkotik nazorati boʻyicha mas'ul xodimlar ham migrantlarni mamlakatdan chiqarib yuborish toʻgʻrisida qaror qabul qilishi mumkin. Bu esa ichki ishlar organlariga qoidabuzarliklar, jumladan, viza va migratsiya qoidalariga rioya qilmaslik uchun oʻz mustaqil qarorlarini chiqarish imkonini beradi. Rossiya Ichki ishlar vazirligi ushbu oʻzgarishlarni amalga oshirish uchun tegishli farmoyishlarini yangiladi. “Zamin” yangiliklarini “Telegram”da kuzatib boring
Ctrl
Enter
Xato topdIngizmi
Iborani ajratib Ctrl+Enter tugmasini bosingMavzuga oid yangiliklar
