14:55 / 07.02.2025

80 yoshli Van Vanlin 700 bolaga ota boʻldi

^{Foto: AP}
Xitoyning sharqidagi Chjeszyan provintsiyasida yashovchi 80 yoshli Van Vanlin 700 dan ortiq bolaga ota boʻldi. U butun umri davomida oila qurmagan, deb yozadi South China Morning Post.

Van Vanlin 1979 yildan beri uy-joysiz yoki koʻchada qolgan bolalarga yordam berib keladi. U ilk bor 34 yoshida shunday bolaga duch kelgan. Oʻshanda 15 yoshli oʻsmir aldov yoʻli bilan koʻmir konida ishlashga majbur qilingan va uyiga qaytolmayotgan edi. Van unga poyezd chiptasi olib berib, hayotini oʻzgartirdi.

^{80 yoshli Vang Vanlin soʻnggi qirq yil ichida yuzlab yigitlarga yordam berdi. Foto: Douyin}
Bu voqea Vanlinning butun hayotini oʻzgartirdi. Yoshligida u ham qiyinchiliklarni boshdan kechirgan — qoʻshnisi uni nohaq oʻgʻrilikda ayblagan va u 16 yil majburiy mehnatga joʻnatilgan.

1978 yilda u ozodlikka chiqib, zavodda ish boshladi. Bir yil oʻtib esa, qiyin ahvoldagi bolalarga yordam bera boshladi. U uysiz bolalarni uyiga taklif qilardi, oylik maoshini esa ularning oziq-ovqat va yoʻl xarajatlariga sarflardi. Van bolalardan faqatgina uylariga eson-omon etib borganliklarini xabar qilishni soʻrardi.

Vanlin oila qurmagan bolalarni oʻz himoyasiga oldi. Uning sa'y-harakatlari tufayli Yuy ismli 12 yoshli bola hayotda muvaffaqiyatga erishdi. U mustaqil hayotga qadam qoʻyib, oilasi uchun ikki qavatli uy qurdi.

^{Vang oʻzi yordam bergan koʻplab bolalarning rasmlarini esdalik sifatida saqlaydi. Foto: Douyin}
2022 yilda Yuy Van Vanlinning yolgʻiz yashab kelayotganini bilib qoldi va unga gʻamxoʻrlik qilish vaqti kelganini tushundi. U ijtimoiy tarmoqlarda Vanlinning hikoyasini baham koʻrdi. Bu hikoya minglab odamlarni ta'sirlantirdi. Koʻpchilik uni “ulkan qalb egasi” deb atadi.

Bugungi kunda Van Vanlin bir paytlar oʻzi qutqarib qolgan 700 nafar bolaning xatlarini saqlab kelmoqda.