AQSH prezidenti Donald Tramp O‘zbekistondan olib kiriladigan tovarlarga boj to‘lovi joriy qildi, deb nova24.uz Associated Press’ga tayanib xabar berdi. Bu chora yana 185 ta davlatga tegishli bo‘lib, ularning ichida O‘zbekiston ham bor.
Trampning aytishicha, AQSH tomonidan belgilangan tariflar boshqa davlatlar tomonidan qo‘llanilayotgan boj stavkalariga nisbatan ikki baravar past bo‘ladi. Masalan, Yevropa Ittifoqidan keltiriladigan mahsulotlarga 20%, Xitoydan — 34%, Buyuk Britaniya va Ukrainadan — 10% boj belgilangan. Rossiya ro‘yxatda yo‘q.
Markaziy Osiyo davlatlari uchun boj miqdori quyidagicha:
Qozog‘iston — 27%
O‘zbekiston — 10%
Turkmaniston — 10%
Qirg‘iziston — 10%
Tojikiston — 10%
2025-yil 5-apreldan barcha davlatlar uchun minimal boj stavkasi 10% qilib belgilanadi. Bundan tashqari, 3-apreldan boshlab avtomobil importiga 25% boj joriy etilgan. 3-maydan kechiktirmay AQSHda ishlab chiqarilmagan avtomobil ehtiyot qismlariga ham boj qo‘llaniladi.
Ctrl
Enter
Xato topdIngizmi
Iborani ajratib Ctrl+Enter tugmasini bosingMavzuga oid yangiliklar
