Xan Yunisdagi «Nasser» shifoxonasiga Isroil tomonidan ikki bor hujum uyushtirilishi oqibatida kamida 20 kishi halok bo‘ldi, shu jumladan besh nafar xalqaro jurnalist. BBCning xabariga ko‘ra, qurbonlar orasida tibbiyot xodimlari ham bor. Ikkinchi zarba, birinchi hujumdan keyin jabrlanganlarga yordam berish uchun kelgan qutqaruvchilarga qaratilgan. Halok bo‘lgan jurnalistlar dunyoning nufuzli nashrlari, jumladan Reuters, AP, Al Jazeera va Middle East Eye bilan ishlagan.
Isroil Bosh vaziri Binyamin Netanyahu voqeani «fojiali tasodif» deb atab, keng ko‘lamli tergov olib borilayotganini bildirgan. BMT esa G‘azodagi urush davomida kamida 242 jurnalistning halok bo‘lganini ma’lum qildi. BMT Bosh kotibi Antoniu Guterrish OAV xodimlarining o‘limini mustaqil tergov qilishga chaqirdi va bolalar orasida ochlikdan vafot etganlarning soni ortib borayotganiga diqqat qaratdi. 2023-yil oktabrdan buyon 100 dan ortiq bola ochlikdan halok bo‘lgan.
Manba: Kursiv media
“Zamin”ni Telegramʻda oʻqing!
