Amerikaning Heritage Auctions uyida o‘tkazilgan savdoda Orson Uellsning 1941 yilda suratga olingan “Fuqaro Keyn” filmidagi mashhur Rosebud chanasi rekord narx — 14,75 million dollarga xarid qilindi.
Mazkur chana film tarixida saqlanib qolgan uch nusxadan biri bo‘lib, u uzoq yillar rejissyor Jo Dante qo‘lida bo‘lgan. Dante 1984 yilda eski RKO Pictures studiyasida ishlayotganida uni tasodifan topib olgan edi.
1941 yilda qarag‘ay yog‘ochidan yasalgan ushbu chananing o‘rindig‘i qizil rangga bo‘yalgan bo‘lib, “Rosebud” yozuvi bilan bezatilgan. Jo Dantening so‘zlariga ko‘ra, “Kinematografiya tarixining bunday noyob asarini saqlab kelish sharaf bo‘ldi”.
Qolaversa, chana uning o‘z filmlarida ham foydalanilgan: “Explorers” (1985), “Suburgatory” (1989) va “Gremlins 2: The New Batch” (1990).
Ma’lumot uchun, “Fuqaro Keyn” filmidagi boshqa chanalar ham avval sotuvga qo‘yilgan: 1982 yilda Stiven Spilberg uni 60,5 ming dollarga, 1996 yilda esa yana bir nusxa noma’lum xaridorga 230 ming dollarga sotilgan edi.
