Yaponiyaning sobiq ichki ishlar vaziri Sanae Takaiti hukmron Liberal-demokratik partiya (LDP) rahbarligi uchun bo‘lib o‘tgan saylovda g‘alaba qozondi. Bu haqda Kyodo axborot agentligi xabar bermoqda.
Ma’lum qilinishicha, LDP yangi rahbarining vakolati 2027-yilgacha davom etadi. Biroq, LDP raisligi saylovida g‘alaba qozonish avtomatik ravishda Takaitini Yaponiya bosh vaziri lavozimiga tayinlashini kafolatlamaydi, chunki partiya parlamentdagi ko‘pchilik o‘rinni yo‘qotgan. Shu bilan birga, LDP “Komeyto” partiyasi bilan koalitsiyada parlamentdagi eng nufuzli siyosiy kuch sifatida qolmoqda, deb xabar bermoqda Kyodo.
Nashrning ma’lum qilishicha, Takaiti oktyabr oyida lavozimiga kirishishi va Yaponiya tarixida ilk bor ayol bosh vaziri bo‘lishi mumkin. Bu vaziyat mamlakat siyosiy hayotida muhim tarixiy bosqich bo‘lib, ayollar siyosatida yangi yo‘nalishlarning ochilishidan dalolat beradi.
“Zamin”ni Telegramʻda oʻqing!
