Twitch platformasida ilk bor jonli efir davomida bola tug‘ilishi namoyish etildi. Translyatsiyani mashhur strimer Fandy olib borgan — u World of Warcraft, Overwatch va League of Legends o‘yinlari bo‘yicha efirlari bilan tanilgan, deb yozmoqda Rozetked.me sayti.
Efir 7-oktabrdan 8-oktabrga o‘tar kechasi (MSK vaqti bilan) o‘tkazilgan. Tug‘ruq Fandy’ning o‘z uyida, kichik shishiriladigan basseynda sodir bo‘lgan. U efir oldidan ijtimoiy tarmoqda shunday yozgan:
“Salom, Twitter! Suvlarim ketdi, demak, vaqt keldi :) Endi jonli efirga chiqaman!”
Bu Twitch’da tug‘ruq jarayonining ilk ko‘rsatilishi emas, ammo mashhur kontent yaratuvchi tomonidan olib borilgan birinchi holat sifatida tarixga kirdi.
Efir davomida Twitch bosh direktori Dan Klensi ham chatda qatnashgan. Uning ijobiy ohangdagi fikrlaridan ma’lum bo‘lishicha, bu efir platforma qoidalariga zid emas.
Translyatsiya yozuvi hozircha ochiq — uni 660 mingdan ortiq kishi tomosha qilgan.
“Zamin”ni Telegramʻda oʻqing!
