O'z tanasi ustida muntazam ravishda turli tajribalar o'tkazib kelayotgan mashhur bioxaker Brayan Jonson endilikda o'zining shaxsiy yoshartirish dasturini tijoratlashtirishga qaror qildi. U ishlab chiqqan va "Immortals" deb nomlangan ushbu maxsus protokol inson organizmini yosh va sog'lom saqlashga xizmat qilishi va'da qilinmoqda.
Biroq bu xizmat barcha uchun ham hamyonbop emas. Jonson o'zining yoshlik sirlari jamlangan dasturi uchun mijozlardan yiliga naqd 1 million dollar talab qilmoqda. Shunga qaramay, narxning o'ta qimmatligi odamlarni to'xtatib qolgani yo'q. Hozirgi kunga kelib, dunyo bo'ylab 1600 nafarga yaqin boy mijozlar ushbu qimmatbaho protokoldan foydalanish uchun shartnoma imzolab ulgurdi.
Eslatib o'tamiz, Brayan Jonson uzoq yillardan buyon o'zining biologik yoshini o'rtaga surish maqsadida qat'iy parhez, sport va turli tibbiy muolajalardan foydalanib keladi. Uning bu qadamlari ko'plab bahs va munozaralarga sabab bo'lsa-da, boy qatlam vakillari orasida uning uslubiga qiziqish ortib bormoqda.
“Zamin”ni Telegramʻda oʻqing!
