AQSh prezidenti: agar mojaro avj olsa, Eronning elektr tarmoqlari bir soat ichida vayron bo‘ladi

AQSh prezidenti Donald Tramp Eron bilan mojaro kuchayishi mumkinligini eslatib, mamlakatning elektr tarmoqlarini bir soat ichida yo‘q qilishga qodir ekanligini ma’lum qildi. Bu haqda u Ogayo va Kentukki shtatlariga safardan qaytgach jurnalistlar bilan suhbatda so‘zlab berdi.

Trampning ta’kidlashicha, agar zarur bo‘lsa, Amerika Qo‘shma Shtatlari Tehron va boshqa strategik hududlarga zarba berishi mumkin, bu esa mamlakatning tiklanishini murakkablashtiradi. Prezidentning hisob-kitoblariga ko‘ra, Eron elektr tarmoqlarini butunlay tiklash uchun taxminan 25 yil kerak bo‘lishi mumkin.

AQSh yetakchisi bunday ogohlantirish bilan Eronni ehtiyotkorlikka chaqirganini va mintaqadagi keskinlikning oshishiga yo‘l qo‘ymaslikka intilayotganini bildirgan.

Nigina Zarqarayeva

«ZAMIN.UZ» muharriri

+ Zamin.uz saytini Google'ga qo'shing