Rossiya tomonidan Kubaga 100 ming tonna hajmdagi xom neft yetkazib berilgani ma’lum qilindi. Mazkur yukni olib kelgan “Anatoliy Kolodkin” nomli tanker Kuba hududiga yetib kelib, Matansas portida tushirish jarayonini kutmoqda.
Ushbu voqea xalqaro maydonda muhokamalarga sabab bo‘ldi. Xususan, AQSh rasmiylari bu masalaga munosabat bildirib, mazkur holat Vashingtonning Gavanaga nisbatan siyosatida o‘zgarish yuz berganini anglatmasligini ta’kidladi.
Oq uy matbuot kotibi Karolin Levitt jurnalistlar savollariga javob berar ekan, bu yetkazib berish siyosiy yo‘nalishdagi o‘zgarish emasligini alohida qayd etdi. Uning so‘zlariga ko‘ra, AQShning Kubaga nisbatan siyosati o‘zgarishsiz qolmoqda.
Shuningdek, Rossiya prezidenti matbuot kotibi Dmitriy Peskov ham ushbu masalaga izoh berdi. Uning aytishicha, Rossiya tomonidan Kubaga neft mahsulotlarini yetkazib berish masalasi AQSh bilan olib borilgan muloqotlar chog‘ida avvaldan muhokama qilingan.
“Zamin”ni Telegramʻda oʻqing!
