5 202
Il-20 halokati boʻyicha yangi maʼlumotlar taqdim etildi. Rossiya Isroilni rasman aybladi (video)
Rossiya Mudofaa vazirligi Suriyada harbiy razvedkachi Il-20 samolyoti halokatga uchrashida Isroil Harbiy-havo kuchlarini aybdor deb topdi. Bu haqda vazirlik rasmiysi Igor Konashenkov maʼlum qildi.
Mudofaa vazirligi tomonidan Isroil HHK Il-20 samolyoti halokatga uchrashida jinoiy harakatlar amalga oshirishda ayblangan.
“Rossiyaning Il-20 samolyoti bilan sodir boʻlgan fojia uchun masʼuliyat Isroil Harbiy-havo kuchlari zimmasida. Ular shunday harakatlanish boʻyicha qaror qabul qilishgan”, degan Konashenkov.
Uning soʻzlariga koʻra, F-16 samolyotlari orqali Suriyadagi obyektlarga hujum qilgan isroillik uchuvchilar Suriyaning zenit raketalaridan qochish uchun Rossiya samolyoti ortiga yashiringan.
Isroil HHK Rossiyani F-16 samolyotlari Suriya shimolida amaliyot oʻtkazgani haqida aytib, chalgʻitishga uringan. Konashenkovning tasdiqlashicha, aslida isroilliklar mamlakatning sharqiy qirgʻogʻida joylashgan, Il-20 samolyoti halokatga uchragan Lataqiya viloyatiga hujum qilgandi.
Uning aytishicha, Rossiya Mudofaa vazirligi ixtiyorida Isroil HHK shtabi vakillari bilan muzokaralar audioyozuvi mavjud. Bu audioyozuvlar isroilliklarning aldaganini isbotlaydi.
«Muzokara rus tilida olib borilgan. Bizda audioyozuv mavjud.
Rossiyaning Il-20 samolyoti Oʻrta Yer dengizida, Suriyaning gʻarbiy qirgʻoqlaridan 35 kilometr masofada qulagan. Bu vaqtda Isroilning F-16 samolyotlari aynan Lataqiyadagi obyektlarga hujum qilgan. Isroil esa Rossiya Mudofaa vazirligiga oʻz samolyotlari Suriya shimolida harbiy amaliyot oʻtkazishini maʼlum qilgandi. Isroil bu haqda Il-20 qulashidan bir daqiqa oldin ogohlantirgan. F-16 samolyoti joylashgan nuqta koʻrsatilmagandi. Avval maʼlum qilinganidek, isroillik uchuvchilar Rossiya samolyoti ortiga yashirinib, samolyotni Suriyaning S-200 raketa majmuasi hujumiga duchor qilishgan. Natijada 15 nafar rossiyalik harbiy xizmatchi halok boʻlgan.
Isroil samolyotlari hujumdan keyin Suriyaning gʻarbiy qirgʻoqlaridan 70 km masofada navbatchilik pozitsiyasini egallashgan. Samolyotlar navbatdagi zarbalarga tayyorlanayotgandek manyovrlar qilishgan. Soat 21:59da 4 samolyotdan biri navbatdagi hujum berishga yoʻl olgan qiyofasida qirgʻoq tomon harakatlangan. Bu samolyot Il-20 samolyotiga yaqinlashganida quyiga shoʻngʻigan. Samolyot manyovrlarini hujumga tayyorgarlik sifatida koʻrgan suriyalik harbiylar Isroil aviatsiyasi tomon raketa uchirgan va bu raketa Il-20 samolyotiga tekkan.
Taqdim etilgan obyektiv maʼlumotlar shuni koʻrsatmoqdaki, isroillik harbiy uchuvchilarning harakatlari 15 nafar rossiyalik harbiyning oʻlimiga olib keldi. Ularning harakatlari nafaqat noprofessionalizm, balki jinoiy masʼuliyatsizlikdir», degan Rossiya Mudofaa vazirligi vakili brifing chogʻida.
Минобороны опубликовало 3D-видео крушения Ил-20 в Сирииhttps://t.co/cLUR6GgdyH pic.twitter.com/Yxaq6fMB0i
— RT на русском (@RT_russian) September 23, 2018
Rossiyaning Il-20 samolyoti 17 sentyabr kuni Xmeymimdagi bazaga qaytish vaqtida qulab tushdi. Ichida 15 nafar rossiyalik harbiy boʻlgna bu samolyot Suriyaning nishonda adashib yoʻllangan raketasi tufayli halokatga uchragandi.
Rossiya Mudofaa vazirligi bu samolyot isroillik uchuvchilar tomonidan zarba ostiga qoʻyilganini maʼlum qildi. Isroil oʻz aybini inkor etib, barcha aybni Suriya armiyasining havo hujumidan mudofaa tizimi zimmasiga yukladi.
18 sentyabr kuni Rossiya prezidenti Vladimir Putin Il-20 halokatini baxtsiz hodisa deb atadi va oʻz navbatida bu hodisani 2015 yil noyabrida Rossiyaning Su-24 samolyoti Turkiya tomonidan urib tushirilishi bilan tenglashtirmaslikka chaqirdi. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Samarqandda haydovchidan pora so‘ragan YPX xodimlari ishdan bo‘shatildi
Ar-Riyodda forum: AQSH-Xitoy tirashuvi va Yaqin Sharq inqirozi diqqat markazida
Fransiyalik taniqli aktyor Jerar Deparde jinsiy tajovuzda ayblab, hibsga olindi
Ekologiya inspektorlariga hujum qilgan brakonerlar qamoqqa olindi
O‘zbekistonlik jangchi UFC reytingida top-darajaga ko‘tarilganidan keyin nimalar dedi?
Zaporoje viloyatining Rabotino shahri shimolida Rossiya bayrog‘i ko‘tarildi
Sharmandaga shahar keng
AQSH Rossiyani Ukrainaga qarshi kimyoviy qurol qo‘llaganlikda aybladi