Foto:“Vesti”
Ukraina prezidentligiga nomzod – Yuriy Timoshenkoga (Yuliya Timoshenko emas!) pora berishga uringanlar qoʻlga olindi. Bu haqda mamlakat bosh prokurori Yuriy Lutsenko oʻzining “Feysbuk”dagi sahifasida maʼlum qildi.
Pora miqdori 187 ming AQSH dollari ekani aytilmoqda.
Yuriy Timoshenko – Ukraina prezidentligiga daʼvogar 39 nafar nomzodlardan biri. U yana bir nomzod – mamlakat sobiq bosh vaziri Yuliya Timoshenkoga hech kim emas. Bor-yoʻgʻi saylovdagi siyosiy raqib, xolos. Ilgari jamoa xoʻjaligi, qurilish tashkilotlarida boʻyoqchiyu haydovchilik qilgan Yuriy Timoshenko Ukrainadagi notinchliklar ortidan “Xalq fronti”ga koʻngilli sifatida qoʻshilgan. Soʻng Ukraina parlamenti deputatligiga saylanadi.
Uning nomzodi prezidentlikka koʻrsatilishi sobiq bosh vazir Yuliya Timoshenkoning tinchini buzishi tabiiy. Shu sabab ham Ukrainaning mashhur siyosatchilaridan boʻlgan Timoshenko xonim familiyadoshining nomzodlar safida paydo boʻlishini shunchaki “oʻyin” deb baholamoqda. Bundan maqsad saylovchilarni chalgʻitish va shu orqali oʻziga berilajak ovozlarni familiyadoshiga “oʻtib ketishiga” imkoniyat yaratish, xolos. Shu sabab Yuliya Timoshenko Yuriy Timoshenkoning nomzodini roʻyxatdan oʻchirib tashlashni talab qilib kelayotgan edi.
Yuriy Timoshenkoga kim pora berishi mumkin? Albatta, gumon avvalo Yuliya xonimga tushishi ehtimoli katta. Shu paytgacha siyosat sahnasida qorasi koʻrinmagan Yuriy Timoshenko birdaniga prezidentlikka nomzod sifatida paydo boʻlishini shunchaki tasodif deyish qiyin. Bunday sirli nomzod Yuliya Timoshenkodan boshqa daʼvogarning manfaatlariga daxl qilmaydi.
Ukrainada prezidentlik saylovi shu yilning 31 mart kuni oʻtkaziladi. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Zoir Mirzayev “Telefonsiz maktab”ga 300 mln so‘m mukofot berdi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
Xitoy AQSHni «qizil chiziqlar»ni kesib o‘tishdan ogohlantirdi va «dushman emas, hamkor» bo‘lishga chaqirdi
Ortiqcha vaznli insonlar uchun sog‘lom ovqatlanishning beshta muhim qoidasi
Ruslar Abrams tanklarining zaif tomonini topishdi
Germaniyada ishlash istagida bo‘lgan o‘zbekistonlik mutaxassislar uchun nemis tili o‘rgatiladi
AQSHning G‘azodagi siyosatidan norozi Davlat departamenti rasmiysi iste’foga chiqdi
Lukashenko G‘arbga tahdid bilan chiqdi