Foto: «Sdelanounas.ru»
Koronavirusning yashirin xavf-xatarlari haqida rossiyalik tibbiyot fanlari doktori, shifokor-endokrinolog, akademik Marina Shestakova ma’lum qildi.
Mutaxassisning so‘zlariga ko‘ra, koronavirus oshqozonosti beziga salbiy ta’sir ko‘rsatadi, shu bois u kasallikka chalinganlarda diabet rivojlanish xavfini oshiradi.
«SARS-CoV-2 virusiga retseptorlar oshqozonosti bezi beta-hujayralarida aniqlangan. Demakki, bu to‘ppa-to‘g‘ri birinchi tur diabetning rivojlanishiga olib boradi», — deya ta’kidladi shifokor.
Yana bir xavf-xatar izolyatsiya qilish davri va jismoniy faollik cheklanishi bilan bog‘liq. Bunday turmush tarzi semizlikning rivojlanishiga turtki beradi.
«Italiyalik olimlar o‘tkazgan tadqiqotga ko‘ra, COVID-19 davrida tana vazni me’yorda va ortiq bo‘lgan odamlar guruhidan semizlikdan qiynalayotgan odamlar guruhiga o‘tganlar soni qariyb uch baravar ko‘paygan. Tana vazni ortishi, to‘yib ovqatlanish, harakatning cheklanishi — bularning bari to‘ppa-to‘g‘ri ikkinchi tur diabetga olib boradi», — deydi Shestakova.
Bundan tashqari, koronavirus bemorlaridagi stress diabet bilan og‘rimayotgan kishilarda giperglikemiyani chaqiradi.
«Odatda COVID-19dan tuzalgandan so‘ng bunday turdagi giperglikemiya ham yo‘qoladi. Biroq bir necha oydan so‘ng o‘sha odamda diabet rivojlanish xavfi saqlanib qoladi. Bunday vaziyat COVID-19 bemorlari uchun tuzalish prognozi, hatto, diabetning o‘zidan ko‘ra yomonroq bo‘lib chiqdi», — deya ta’kidladi shifokor-endokrinolog.
Barcha noxush asoratlarning oldini olish uchun mutaxassis «divanga cho‘zilib yotib, tinimsiz tamaddi qilmaslikni» maslahat beradi.
«Sabzavotli salatlar tayyorlang, oqsilli taom, tvorogli mahsulotlar iste’mol qiling — marhamat! Faqat shirinliklarga mukkasidan ketmasangiz bo‘lgani! Shundagina murakkab pandemiya davridan sog‘liq va jismoniy qomatni saqlagan holda o‘tishingiz mumkin», — dedi Shestakova.
Koronavirus infeksiyasi aniqlanganda, uning so‘zlariga ko‘ra, dori-darmonlarni qat’iy shifokor ko‘rsatmasi asosida qabul qilish va ko‘proq suyuqlik ichish kerak. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Kalyari” Shomurodov bo‘yicha bir qarorga keldi
U23 Osiyo Kubogi yarim final bahsi. Yaponiya ikkinchi finalchiga aylandi!
AQSHning Markaziy Osiyo davlatlari bo‘yicha strategiyasida Rossiya va Xitoyning tilga olinishi
Saudiyadagi forumda G‘azo urushi muhokama qilindi: «Isroilni to‘xtata oladigan yagona davlat – AQSH»
Amerikalik xonanda Billi Aylish noodatiy fobiyasi haqida so‘zlab berdi
Gurjiston parlamentida «chet el agentlari» to‘g‘risidagi qonun tufayli mushtlashuv yuz berdi
Saylovoldi kurashida Tramp Baydenni ortda qoldirmoqda
Toshkent viloyatida ikki yigit taksi haydovchisining joniga qasd qilmoqchi bo‘ldi