18:24 / 01.06.2021
2 017

Olimlar: COVID-19 odamlar tomonidan yaratilganiga oid dalillar bor

Olimlar: COVID-19 odamlar tomonidan yaratilganiga oid dalillar bor

Foto: Reuters
COVID-19 laboratoriyada yaratilgan, shundan so‘ng xitoylik olimlar «izlarni yashirish uchun» virusning ko‘rshapalaklardan kelib chiqqani to‘g‘risidagi versiyani ilgari surgan. Bu haqda britaniyalik va norvegiyalik olimlar Angus Dalglish va Birger Syorensenning Quarterly Reviews of Biophysics jurnalida chop etiladigan yangi tadqiqotida aytilgan, deb yozadi «RBK».

Dalglish va Syorensen virusdan «noyob barmoq izlari»ni hamda uning biror ishonchli manbasi yo‘qligiga oid dalilni topgan.
Shundan kelib chiqib, olimlarning fikriga ko‘ra, virus faqat laboratoriyada olib borilgan ishlar natijasida yaratilgan bo‘lishi mumkin. Olimlar ilgari o‘z tadqiqotlari natijalarini nashr etishga uringani, ammo ular virusning tabiiy kelib chiqishiga ishongan ilmiy jurnallar tomonidan rad etilganini aytdi.

Hozirda bir qator mamlakatlarda COVID-19 paydo bo‘lishining versiyalarini qayta ko‘rib chiqish zarurligi haqida bahs ketmoqda.
Tadqiqotchilar 2002 yildan 2019 yilgacha Uxan shahridagi laboratoriyada o‘tkazilgan tajribalarga e’tibor qaratgan va ba’zilari Amerika universitetlari bilan hamkorlikda ish olib boradigan xitoylik olimlar virusni uning yuqumlilik darajasini oshiradigan tarzda o‘zgartirish bo‘yicha tadqiqotlar olib borganini aniqlagan.

Tadqiqot mualliflarining fikricha, Xitoy g‘orlaridagi ko‘rshapalaklardan topilgan koronavirusdan olingan «asos»ga yangi «qism» qo‘shilgan, natijada yuqumliroq va o‘limga olib keluvchi SARS-CoV-2 paydo bo‘lgan.

Dalglish va Syorensen tomonidan aniqlangan musbat zaryadga ega to‘rtta aminokislotalar zanjiri virusga o‘zgartirish kiritilgan bo‘lishi mumkinligini ko‘rsatmoqda. Bu virusga «magnit kabi odam hujayralarining manfiy zaryadlangan qismlariga mahkam yopishib olishi va shu bilan yanada yuqumliroq bo‘lishiga imkon beradi», — deya tushuntirdi norvegiyalik olim.

«Ammo magnitlar singari musbat zaryadlangan aminokislotalar bir-biridan itariladi, shuning uchun tabiiy ravishda uchraydigan viruslarda hatto uchta aminokislota zanjiri ham kamdan kam uchraydi. To‘rttalik zanjirning bo‘lishi esa ehtimoldan yiroq», — dedi u.
Olimlarning xulosalarini sharhlar ekan, yuqumli kasalliklar bo‘yicha rossiyalik mutaxassis, tibbiyot fanlari doktori Nikolay Malishev juda ko‘plab viruslar mavjudligini, ular, shu jumladan, nam va iliq iqlimga ega Janubi-Sharqiy Osiyoda ham uchrashini aytdi.

«Bunday ob-havo sharoitda virus RNK va DNK’sidagi turli xil o‘zgarishlar faol ravishda yuz berishi mumkin, bu esa ba’zi yangi qo‘zg‘atuvchilar paydo bo‘lishiga olib keladi», — deb izohladi u. Olimning so‘zlariga ko‘ra, SARS-CoV-2 tabiiy ravishda kelib chiqqan.

«Hamma narsa odamlar tomonidan biron bir maqsad bilan yaratilgan deb ishonadiganlar bor. Ammo virusning kelib chiqishi tabiiy bo‘lgan, deb o‘ylayman. Insoniyat yaratilganidan beri mavjud epidemiyalarning barchasini: o‘lat, vabo va boshqa kasalliklar atayin yaratilgani haqidagi taxminlarni ilgari suradigan odamlar har doim bo‘lgan», — dedi u.

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)
Mavzuga oid yangiliklar
Муроджон Аҳмадалиев ва Ронни Риос жанги қачон бўлиши айтиб ўтилди
Муроджон Аҳмадалиев ва Ронни Риос жанги қачон бўлиши айтиб ўтилди
22-07-2021, 08:20, Спорт
Интернетда тарқалган видео сабаб Шаҳрисабз туман тиббиёт бирлашмаси масъулларига жиноят иши қўзғатилди
Интернетда тарқалган видео сабаб Шаҳрисабз туман тиббиёт бирлашмаси масъулларига жиноят иши қўзғатилди
22-07-2021, 08:50, Жамият
Жазирама кунларда хонани салқинлаштиришнинг самарали 11 усули
Жазирама кунларда хонани салқинлаштиришнинг самарали 11 усули
22-07-2021, 21:00, Ҳаёт тарзи
Токио Олимпиадасида қайси боксчиларимизнинг чемпион бўлиш имконияти юқори? Мутахассислар фикри...
Токио Олимпиадасида қайси боксчиларимизнинг чемпион бўлиш имконияти юқори? Мутахассислар фикри...
22-07-2021, 21:43, Спорт
Ҳеч қайси вакцина коронавирусдан 100 фоиз ҳимоя қилмайди. Бу нормал ҳолат!
Ҳеч қайси вакцина коронавирусдан 100 фоиз ҳимоя қилмайди. Бу нормал ҳолат!
22-07-2021, 23:02, Дунё
Pegasus жосуслик дастури. Дунё бўйлаб махсус хизматлар телефонларни сездирмай кузатгани айтилмоқда
Pegasus жосуслик дастури. Дунё бўйлаб махсус хизматлар телефонларни сездирмай кузатгани айтилмоқда
23-07-2021, 09:43, Технология
Ўзбекистон шаҳарларида рухсат этилган тезликни 50 км/соатга камайтириш таклиф этилмоқда
Ўзбекистон шаҳарларида рухсат этилган тезликни 50 км/соатга камайтириш таклиф этилмоқда
23-07-2021, 11:03, Жамият
Амит, Маккормак, Конкабаев....Олимпиада ўйинларида боксчиларимизга кимлар асосий рақиб бўлиши мумкин?
Амит, Маккормак, Конкабаев....Олимпиада ўйинларида боксчиларимизга кимлар асосий рақиб бўлиши мумкин?
23-07-2021, 12:06, Спорт


Yangiliklar » Dunyo » Olimlar: COVID-19 odamlar tomonidan yaratilganiga oid dalillar bor