Litva Mudofaa vazirligi Xitoy smartfonlarini sotib olmaslikka, shuningdek, ishlatilganlardan voz kechishga chaqirmoqda. Davlat xizmatchilarining boshqa tanlovi ham bo‘lmasligi mumkin. Vazirlik Xitoy ishlab chiqaruvchilarining so‘nggi avlod flagmanlarini o‘rganib chiqqan va ularning ba’zilari ma’lumotlarni to‘plashi hamda serverga uzatishini aniqladi.
Smartfonlar foydalanuvchilar qaysi so‘zlarni qidirayotganini kuzatib boradi. Agar biz Pekin uchun nozik bo‘lgan mavzular haqida gapiradigan bo‘lsak, signal jo‘natiladi va telefon qidiruv natijalarini o‘chirib qo‘yishi mumkin.
Arvidas Anushauskas, Litva Mudofaa vaziri:
“Ma’lum bo‘lishicha, telefon xitoy tilidagi kalit so‘zlarni kuzatib turadi, bu ilovani o‘chirib qo‘yish yoki to‘xtatish mumkin emas. Bundan tashqari, u masofadan ishga tushirilishi mumkin. Hech kim “qora ro‘yxat”ga kirgan “Tibet”, “Tayvan” yoki “demokratiya” so‘zlarining boshqa tillardagi variantlari qo‘shilmaydi, deb kafolat bera olmaydi”.
Biroq hozircha bu funksiya Yevropa mintaqasi uchun o‘chirib qo‘yilgan va nodavlat ekspertlar rasmiylarning bunday qattiq munosabatini tasdiqlamaydi. Ularning fikriga ko‘ra, barcha zamonaviy smartfonlar ham korporatsiyalar, hokimiyat va tajovuzkorlarga osonlikcha kira oladigan ma’lumotlarni to‘playdi.
Darius Povilaitis, kiberxavfsizlik bo‘yicha mutaxassis:
«Men hech qanday dahshatli, ayniqsa tahdidli narsani ko‘rmayapman. Bu taxminlar, gipotezalar va juda kam faktlar. Ikkinchidan, bunday tahdidlar boshqa ko‘plab ilovalarda ham mavjud».
Bu Xitoy ishlab chiqaruvchilari senzura va josuslikda ayblangan birinchi holat emas, shu jumladan Litvaning o‘zida ham. Avgust oyida Vilnyusda Tayvanning diplomatik vakolatxonasini ochish to‘g‘risida qaror qabul qilingandan so‘ng ikki tomonlama munosabatlar ham keskin yomonlashgan edi. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Lukashenko G‘arbga tahdid bilan chiqdi
Qaysi kundalik odatlar immunitet pasayishiga olib kelishini bilasizmi?
Toshkentda 02 kodli avtoraqamlar taxminan qachon paydo bo‘lishi aytildi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
Ortiqcha vaznli insonlar uchun sog‘lom ovqatlanishning beshta muhim qoidasi
Sariqmi yoki yashil: qaysi turdagi banan foydaliroq?
Germaniyada maktab o‘quvchilari ommaviy ravishda islom dinini qabul qilmoqda
AQSHning G‘azodagi siyosatidan norozi Davlat departamenti rasmiysi iste’foga chiqdi