O‘zbekistonda axborot va aloqa sohasida 2026 yil 1 mart holatiga ko‘ra 1 242 ta xorijiy korxona faoliyat yuritmoqda, deb xabar beradi Milliy statistika qo‘mitasi.
Ma’lumotlarga ko‘ra, eng katta ulush 457 ta kompaniya bilan Rossiyaga to‘g‘ri keladi. Keyingi o‘rinlarni Qozog‘iston (113 ta) va Belarus (63 ta) davlatlari egallagan.
Shuningdek, boshqa mamlakatlar ham faol ishtirok etmoqda:
- AQSh – 58 ta kompaniya
- Turkiya – 51 ta kompaniya
- Xitoy – 40 ta kompaniya
- Qolgan davlatlar hissasi – 341 ta kompaniya
Ro‘yxatda, shuningdek, BAA (32 ta), Yaponiya (30 ta), Tojikiston (29 ta) va Janubiy Koreya (28 ta) ham muhim o‘rin tutgan.
Statistikaga ko‘ra, 2026 yilning yanvar–fevral oylarida axborot va aloqa xizmatlari hajmi 14,776 trillion so‘mni tashkil etgan. Bu hajm tarkibida:
- Kompyuter dasturlash xizmatlari – 46%
- Telekommunikatsiya xizmatlari – 31,2%
- Axborot xizmatlari – 14,3%
- Nashriyot xizmatlari – 6,3%
Ushbu ma’lumotlar O‘zbekistonda IT va axborot-kommunikatsiya sektori qanday rivojlanayotganini, shuningdek, xorijiy investitsiyalarning sohadagi ta’sirini ko‘rsatadi.
“Zamin”ni Telegramʻda oʻqing!
