Dunyoda milliarderlar soni tez surʼatlar bilan ortib bormoqda
Dunyoda milliarderlar soni jadal sur’atlar bilan ortib, hozirda ularning umumiy soni 3 428 nafarga, jami boyligi esa 20,1 trillion dollarga yetdi. Forbes reytingiga ko‘ra, har kuni o‘rtacha bitta yangi milliarder paydo bo‘lmoqda va ro‘yxatda hamon Ilon Mask yetakchilik qilmoqda. Texnologiya sohasidagi o‘sish, xususan, sun’iy intellekt rivoji tufayli Nvidia rahbari Jensen Xuang ilk bor kuchli o‘nlikka kirdi. Shuningdek, mazkur nufuzli ro‘yxatda Alisher Usmonov Rossiyaning eng boy o‘nta tadbirkori qatoridan joy oldi.
Jahonda boyligi milliard dollardan yuqori boʻlgan shaxslar soni soʻnggi yillarda tez surʼatlar bilan ortib bormoqda. Forbes nashrining 40 yubiley reytingiga koʻra, bu tendensiya yanada yaqqol namoyon boʻlmoqda.
Hozirgi kunda dunyo boʻyicha milliarderlar soni 3 428 nafarga yetgan boʻlib, bu koʻrsatkich 2025 yilga nisbatan taxminan 400 nafarga koʻpdir. Hisob-kitoblarga koʻra, har kuni dunyoning turli nuqtalarida kamida bitta yangi milliarder paydo boʻlmoqda.
Ularning umumiy boyligi esa 20,1 trillion dollar atrofida baholanmoqda. Taqqoslash uchun, AQShning 2025 yildagi yalpi ichki mahsuloti taxminan 30 trillion dollarga teng ekani qayd etilgan.
Forbes roʻyxatida eng yuqori oʻrinni Ilon Mask egallagan boʻlib, uning boyligi Tesla va SpaceX kompaniyalari hisobiga shakllangan. Keyingi oʻrinlarda Google asoschilari Larri Peyj va Sergey Brin, Amazon asoschisi Jeff Bezos hamda Meta rahbari Mark Sukerberg kabi yirik tadbirkorlar joy olgan.
Shuningdek, Nvidia rahbari Jensen Xuang sunʼiy intellekt sohasidagi oʻsish tufayli ilk bor top-10 talikka kirgani qayd etilgan. Alisher Usmonov esa Rossiya milliarderlari reytingida 10-oʻrinda turadi.
Izohlar 0
…