16:48 / 15.10.2018
3 439

O‘zbekistonda dollarning rasmiy kursi yana oshdi

O‘zbekistonda dollarning rasmiy kursi yana oshdi
O‘zbekiston Respublikasi Markaziy banki 2018 yil 16 oktyabrdan boshlab valyuta operatsiyalari bo‘yicha buxgalteriya hisobi, statistik va boshqa hisobotlarni yuritish, shuningdek, bojxona va boshqa majburiy to‘lovlari uchun xorijiy valyutalarning so‘mga nisbatan quyidagi qiymatini belgiladi.

Unga ko‘ra, 1 AQSh dollari o‘tgan haftadagi kursga nisbatan 26,96 so‘mga qimmatlashgan va 1 dollar 8208,04 so‘mga yetgan.

1 yevro 63,08 so‘mga ko‘tarilib, 9490,14 so‘mni tashkil qildi.

1 Rossiya rubli 1,12 so‘mga o‘sdi va 1 rubl 123,85 so‘mga teng bo‘lib turibdi.

Eslatib o‘tamiz, shu yilning fevralidan buyon pasayib kelgan dollar kursi sentyabr oyidan yana o‘sa boshladi. Sentyabr oyi boshida kurs keskin qimmatlashgan, kurs bir haftada 176,83 so‘mga o‘sib, 1 dollar 8039 so‘mga yetgandi.

Ma’lumot uchun, valyuta qiymatini belgilash chog‘ida O‘zbekiston Respublikasi Markaziy banki mazkur valyutalarni ushbu qiymatda sotish yoki sotib olish majburiyatini olmagan.
Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)